Tres homber arma a tira atraco riba Cura Cabay Supermarket

CURA CABAY- A dirigi polis Polis pa Cura Cabai Supermarket, pa un caso di atraco diahuebs anochi. Aki polis a papia cu e doño, cu a bisa cu e tabata tras di toonbank, ora cu tres homber a drenta su lugar, y cuminsa grita ‘atraco’! E prome homber tabatin un pistol chikito blanco den su man. E tabatin un camisa preto cu un capuchon. E di dos homber tabata completamente na preto y su cabes tabata tapa cu un t-shirt blanco. E di tres homber tabatin un camisa berde, cu un capuchon y bou di su t-shirt, un camisa manga largo preto. Tur tres homber tabatin handschoen blauw bisti y tabata papia Papiamento. Nan a bin tras di toonbank banda di e doño y a saca 3000 florin for di e caha, carchi di telefon di digicel y setar (balor di 2000 florin), y 6 boter di Hennessy. A yama atraco team y slachtoffer hulp tambe a presenta.  E caso ta bou di investigacion.