Trahadonan di Serlimar a protesta dilanti Bestuurskantoor awe

ORANJESTAD – Trahadonan di Serlimar a tene un protesta diahuebs mainta dilanti di Bestuurskantoor pa demonstra nan preocupacion pa cu future di e compania. Tur e trucknan di sushi y otro ekiponan a keda staciona, blokiando e trafico ey dilanti pa gran parti di mainta. Sindicato SEPPA a mustra nan sosten pa cu e accion y ta mustra cu e trahadonan ta simplemente preocupa y lo a entrega un documento na gobernador y parlamento. 

EXIGENCIA

Pa loke ta e exigencianan di trahadonan di Serlimar, nan ta pidi pa gobierno cumpli cu e obligacionan financiero, pa gobierno para e convenio cu Ecogas mas pronto cu ta posibel, pa gobierno reforza Serlimar, haci inversionan, y ta lamenta cu ta manipula den prensa cu a pone beslag riba cuenta di Serlimar.