Aeropuerto a inaugura e prome one stop security Operation

Aeropuerto a inaugura e prome one stop security Operation

Posted on 09/11/2019 5:41 pm AST | Updated on 09/11/2019 5:47 pm AST

ORANJESTAD – Departamento di Aviacion Civil Aruba recientemente a aproba e Acuerdo di Acceptacion, pa asina reconose e nivel di seguridad di Amsterdam su aeropuerto Schiphol.

E reconocimento di equivalencia aki ta haci posibel cu buelonan cu ta origina na Schiphol y cu mester pasa via Aeropuerto Internacional Reina Beatrix (AIRB), pa no mester duplica e medidanan di seguridad ora yega Aruba, permitiendo asina pasahero- y maletanan di transito pa pasa sin problema di transito na Aeropuerto di Aruba y por sigui riba otro buelo pa otro destinacion, sin trese e aspecto di safety y seguridad den peliger. 

ICAO su Annex 17 ta permiti areglonan similar di controlnan di seguridad, cu sosten di e estado miembro y un proceso di validacion y implementacion continuo di procedura conhuntamente cu e otro estado pa sigura cu e aplicacion di controlnan di seguridad na e punto di origen ta wordo acompaña pa medidanan di proteccion contra interferencia sin autorisacion te ora e avion sali for di e punto di transfer.  

Sr. Edwin Kelly, Director di Departamento di Aviacion Civil, a indica cu parti di e proceso pa logra reconocemento di equivalencia a ensera un audit extenso di e procesonan di seguridad na Schiphol, incluyendo e revisacion di personal, trainingnan, proceduranan, ekipo, mantencion, documentacion y otro medidanan pa garantisa e sterilidad di pasahero y maleta.  

CEO di Aruba Airport Authority N.V. (AAA), operador di AIRB, Sr. Joost Meijs, a indica cu esaki ta un desaroyo hopi positivo, mirando cu estadonan y aeropuertonan ta sigui busca maneranan pa facilita biahamento mas eficiente entre pais- y aeropuertonan. E ta ansioso pa logra mas acuerdo similar cu otro aeropuerto y estado tambe, mirando cu e acuerdonan aki ta yuda mehora e experiencia di e pasahero door di aeropuerto di Aruba. 

Actualmente tin dos aerolinea cu ta biaha directamente for di Schiphol pa Aruba. KLM ta opera 7 buelo non-stop pa siman for di Schiphol pa Aruba cu ta traduci na un averahe di 7500 pasahero pa luna, di cual 3100 ta pasaheronan di transito.  

Un cantidad significante di pasahero cu ta biaha for di Schiphol ta pasaheronan di transito, conectando cu otro destinacionnan den Caribe y desde 11 di September, 2019 e pasaheronan aki por pasa e proceso di transito mas facil na Aeropuerto di Aruba. 

 

 

 

  • Pa motibo di reunion interno, no tin bus di Arubus diadomingo mainta

    Pa motibo di reunion interno, no tin bus di Arubus diadomingo mainta

    ORANJESTAD – Pa motibo di un reunion interno pa tur trahado, lo no tin servicio di bus diadomingo mainta. Asina gerencia di Arubus a splica diabierna mainta. Segun e comunicado, lo tin un reunion pa trahado diadomingo mainta y como tal, busnan lo no ta den servicio entre 9’or y 12’or.  

  • Parti di edificio nobo di hospital HOH bou di awa awe!

    Parti di edificio nobo di hospital HOH bou di awa awe!

    ORANJESTAD – Awe mainta parti di e edificio nobo di hospital Horacio Oduber, particularmente e parti di Spoed Eisend Hulp (Eerste hulp) a lanta bou di awa. Esaki a consecuencia di un yobida di awacero den e oranan di marduga. Mesora e videonan di e hecho aki a cuminsa circula riba e rednan social. Ta trata di e proyecto multimiyonario (cu ainda no a caba)  cu un dia prome, ainda a haya critica di e propio director di e hospital (Ezzard Cilie) y tambe minister encarga, Dangui Oduber, pa e fayonan cu e compania di construccion y esun responsabel, ta cometiendo. “No ta husto” tabata palabra di e minister riba su pagina di Facebook, reaccionando riba e asunto di inundacion di e edificio nobo.

  • WEB: Den proyecto di Recip Fase IV e contratistanan local tambe por participa den destaho

    WEB: Den proyecto di Recip Fase IV e contratistanan local tambe por participa den destaho

    ORANJESTAD - Gerencia di WEB ARUBA a tuma nota di e publicacionnan den e medionan, cu ta critica cu no a duna trabou na e contratistanan local, pa locual ta trata construccion di planta RECIP FASE IV. Pa medio di esaki ta desea di declara lo siguiente. 

  • FPNA ta firma un ‘Memorandum of Understanding’ cu Gobierno di Aruba

    FPNA ta firma un ‘Memorandum of Understanding’ cu Gobierno di Aruba

    ORANJESTAD – Diamars 19 di september den presencia di Minister di Enseñansa, Ciencia y Desaroyo Sostenibel, Sr. Rudy Lampe y directiva di Fundacion Parke Nacional Aruba (FPNA), a firma un Memorandum of Understanding (MoU) den Hofi Shon Shoco na Parke Nacional Arikok.

  • Horacio Oduber Hospital a inaugura ‘Birthing pool’

    Horacio Oduber Hospital a inaugura ‘Birthing pool’

    ORANJESTAD - E enfermeranan di departamento di “Maternity” y “Obstetrics” na Dr. Horacio E. Oduber Hospital tabata di fiesta na momento cu e apertura oficial a tuma luga di e ‘birthing pool’.  Aruba tin e unico hospital aworaki den region, unda un hende muhe por haya yiu den awa. E Manager di cuido, esta sra. Renita Blindeling hunto cu un baby recien naci cu su man inocente hunto cu partera Xochi Woorts di Duna Luz a corta cinta, pa asina celebra e momento historico aki.

  • Lampe: Te cu otro siman, e scolnan sin airco na Aruba lo cera mas tempran

    Lampe: Te cu otro siman, e scolnan sin airco na Aruba lo cera mas tempran

    ORANJESTAD – Te cu proximo aviso, e scolnan na Aruba cu no tin airco, lo por termina les tur dia 11’or di mainta. E motibo ta, door di e calor inmenso cu ta haciendo e dianan aki y cu lo sigui te por lo menos otro siman, manera avisa pa Servicio Meteorologico. Asina Minister di Enseñansa, Rudy Lampe, a bisa durante un conferencia di prensa. For di diaranson tabatin carta di varios scol cu a bay pa mayornan, cu e mensahe aki. Un di nan ta di Emma School. Aki a pidi e mayornan pa busca nan yiunan e ora ey y na ora. A bisa cu si yiunan ta bay cu bus, e bus lo bin busca e muchanan trempran na scol. Pa Emma school y e otro scolnan, e ‘regla temporal’ lo ta entrante awe 19 di september te 25 di september 2019.

  • b.c car
  • Powered by SETAR