Warda Costa a detecta boto Venezolano cu documento falso y pisca putri

Warda Costa a detecta boto Venezolano cu documento falso y pisca putri

Posted on 09/11/2019 5:17 pm AST | Updated on 09/11/2019 5:19 pm AST

ORANJESTAD – Warda Costa a detecta un boto Venezolano cuy durante control abordo, a bin descubri cu e boto Huracan tabatin documento falso y pisca putri abordo. A guia e boto pa dirigi pa Aruba y mara na waf eynan. E capitan a bin Aruba pa negoshi di pisca y tabatin hopi pisca abordo pa e mercado di Aruba. Pero ora cu a haci control, a bin nota cu a keur af e pisca pasobra no a tene esaki bon congela pa cual e piscanan tabata putriendo. A base di e hechosnan aki, a prohibi e capitan entrada y a ordene pa andona Aruba. Dado momento e boto a bira y bin direccion Aruba atrobe. E capitan a bisa cu e tabatin problema cu motor y no por a sigui nabega. E capitan a haya autorisacion pa drecha e motor y despues bandona Aruba. Durante e di dos intento di salida, Warda Costa a vigila e boto te ora cu e tabata pafo di awa territorial di Aruba. 

 

 

  • Pa motibo di reunion interno, no tin bus di Arubus diadomingo mainta

    Pa motibo di reunion interno, no tin bus di Arubus diadomingo mainta

    ORANJESTAD – Pa motibo di un reunion interno pa tur trahado, lo no tin servicio di bus diadomingo mainta. Asina gerencia di Arubus a splica diabierna mainta. Segun e comunicado, lo tin un reunion pa trahado diadomingo mainta y como tal, busnan lo no ta den servicio entre 9’or y 12’or.  

  • Parti di edificio nobo di hospital HOH bou di awa awe!

    Parti di edificio nobo di hospital HOH bou di awa awe!

    ORANJESTAD – Awe mainta parti di e edificio nobo di hospital Horacio Oduber, particularmente e parti di Spoed Eisend Hulp (Eerste hulp) a lanta bou di awa. Esaki a consecuencia di un yobida di awacero den e oranan di marduga. Mesora e videonan di e hecho aki a cuminsa circula riba e rednan social. Ta trata di e proyecto multimiyonario (cu ainda no a caba)  cu un dia prome, ainda a haya critica di e propio director di e hospital (Ezzard Cilie) y tambe minister encarga, Dangui Oduber, pa e fayonan cu e compania di construccion y esun responsabel, ta cometiendo. “No ta husto” tabata palabra di e minister riba su pagina di Facebook, reaccionando riba e asunto di inundacion di e edificio nobo.

  • WEB: Den proyecto di Recip Fase IV e contratistanan local tambe por participa den destaho

    WEB: Den proyecto di Recip Fase IV e contratistanan local tambe por participa den destaho

    ORANJESTAD - Gerencia di WEB ARUBA a tuma nota di e publicacionnan den e medionan, cu ta critica cu no a duna trabou na e contratistanan local, pa locual ta trata construccion di planta RECIP FASE IV. Pa medio di esaki ta desea di declara lo siguiente. 

  • FPNA ta firma un ‘Memorandum of Understanding’ cu Gobierno di Aruba

    FPNA ta firma un ‘Memorandum of Understanding’ cu Gobierno di Aruba

    ORANJESTAD – Diamars 19 di september den presencia di Minister di Enseñansa, Ciencia y Desaroyo Sostenibel, Sr. Rudy Lampe y directiva di Fundacion Parke Nacional Aruba (FPNA), a firma un Memorandum of Understanding (MoU) den Hofi Shon Shoco na Parke Nacional Arikok.

  • Horacio Oduber Hospital a inaugura ‘Birthing pool’

    Horacio Oduber Hospital a inaugura ‘Birthing pool’

    ORANJESTAD - E enfermeranan di departamento di “Maternity” y “Obstetrics” na Dr. Horacio E. Oduber Hospital tabata di fiesta na momento cu e apertura oficial a tuma luga di e ‘birthing pool’.  Aruba tin e unico hospital aworaki den region, unda un hende muhe por haya yiu den awa. E Manager di cuido, esta sra. Renita Blindeling hunto cu un baby recien naci cu su man inocente hunto cu partera Xochi Woorts di Duna Luz a corta cinta, pa asina celebra e momento historico aki.

  • Lampe: Te cu otro siman, e scolnan sin airco na Aruba lo cera mas tempran

    Lampe: Te cu otro siman, e scolnan sin airco na Aruba lo cera mas tempran

    ORANJESTAD – Te cu proximo aviso, e scolnan na Aruba cu no tin airco, lo por termina les tur dia 11’or di mainta. E motibo ta, door di e calor inmenso cu ta haciendo e dianan aki y cu lo sigui te por lo menos otro siman, manera avisa pa Servicio Meteorologico. Asina Minister di Enseñansa, Rudy Lampe, a bisa durante un conferencia di prensa. For di diaranson tabatin carta di varios scol cu a bay pa mayornan, cu e mensahe aki. Un di nan ta di Emma School. Aki a pidi e mayornan pa busca nan yiunan e ora ey y na ora. A bisa cu si yiunan ta bay cu bus, e bus lo bin busca e muchanan trempran na scol. Pa Emma school y e otro scolnan, e ‘regla temporal’ lo ta entrante awe 19 di september te 25 di september 2019.

  • WCC3
  • Powered by SETAR