Apelacion di Cruz Cora Aruba pa yuda cu fondo pa yuda Cruz Cora Bahamas

Posted on 09/11/2019 4:23 pm AST | Updated on 09/11/2019 5:08 pm AST

ORANJESTAD - Cruz Cora Aruba recientemente a pone un cuenta di banco disponibel special pa yuda Bahamas Red Cross cu tur gastonan pa yuda e comunidad di Bahamas despues di Horcan Dorian. Hunto cu Federacion Internacional di Cruz Cora (IFRC) lo enfoca den yuda esunan mas vulnerabel despues di e horcan. E grupo aki ta inclui mas of menos 4400 mucha bou di 15 aña y mas cu 1500 hende grandi.

E apelacion mundial  di IFRC ta di aproximadamente 3.2 miyon Swiss Francs.  Esaki ta un apelacion na tur Cruz Cora rond mundo pa asina cubri tur gasto y enfoca riba provee shelter temporalmente y permanentemente na famianan, y tambe reemplaza productonan basico cu a wordo perdi den e horcan. Tambe voluntarionan di Cruz Cora lo distribui cuminda cayente na famianan. Otro intervencionan lo encera servicionan di salud, ayudo psychosocial, awa, sanitacion y higiene. Tambe lo tin actividadnan diseña pa preveni y responde na violencia contra gruponan vulnerabel, incluyendo violencia sexual y basa riba genero.

IFRC ya caba a pone 500,000 Swiss Francs disponibel di su Disaster Relief Emergency Fund (DREF) pa garantiza e trabounan di e team trahando caba na Bahamas. 

Cruz Cora Aruba ta pone disponibel tambe cuenta na Aruba Bank # 038.401.0390 pa tur cu kier yuda, por haci esaki. Hunto nos por yuda Bahamas, cada $1 ta haci un diferencia! Di antemano, Cruz Cora Aruba ta gradici un y tur cu a deposita loke e por pa asina Aruba haci su aporte.

 

 

  • Rotary Club Aruba ta hasi un total di AWG 264.000,- na donacion

    Rotary Club Aruba ta hasi un total di AWG 264.000,- na donacion

    ORANJESTAD - Siman pasa a tuma lugar e sorteo di e grandioso rifa di Rotary Club Aruba. Apesar di e situacion cu nos isla ta pasando aden y mirando cu e feria di Fiesta Rotaria mes no a bai door e aña aki, toch e benta di rifa a bai hopi mas mihor cu Rotary Club Aruba a spera, danki na e sosten masal di e comunidad di Aruba. 

  • MetaCorp cu donacion di articulonan di baby na FPNC

    MetaCorp cu donacion di articulonan di baby na FPNC

    ORANJESTAD - MetaCorp a comberti den un berdadero “partner strategico” di Fundacion Pa Nos Comunidad (FPNC), den nan esfuerso pa brinda sosten y ayudo na esunnan den mas necesidad actualmente dor di e pandemia. Eddie de Veer di MetaCorp tabata na Centro Kibrahacha pa entrega un cargacion grandi di productonan pa baby, un necesidad urgente pa e fundacion. FPNC tabatin falta di productonan di baby pa por yuda clientenan den necesidad. 

  • SMAC a sugeri pa carnaval di Aruba otro aña tuma lugar na juli

    SMAC a sugeri pa carnaval di Aruba otro aña tuma lugar na juli

    ORANJESTAD – Tin posibilidad cu Carnaval (67) 2021 lo no tuma lugar entre januari cu februari 2021 pero te na juli. Segun presidente di SMAC Jason Brown a splica noticiacla.com diahuebs, esey ta e intencion tentativo. E motibo principal ta e situacion di COVID-19, y tambe e ta duna mas chens pa promove carnaval vooral pa muchanan cu ta liber. Minister di Cultura Xiomara Maduro mientrastanto a confirma na e portal akicu e no tin problema cu e idea aki y ta sostene esaki. “Ta SMAC tin cu dicidi”, e mandatario a bisa e portal aki. A reuni ayera cu SMAC ayera unda cu e idea a bin dilanti. Tin cu bay reuni cu e gruponan di carnaval cu lo tin cu duna nan input riba e idea aki. 

  • Kiwanis Club of Aruba a hasi donacion na KPA

    Kiwanis Club of Aruba a hasi donacion na KPA

    ORANJESTAD - Recientemente e miembronan di Kiwanis Club of Aruba a haci un bishita na warda di Polis na districto di Oranjestad unda a reuni cu Chef di Districto di Oranjestad Mr. Alvin Molina, Vocero suplente di Cuerpo Policial Aruba Sra. Liliana Rasmijn, Sra Janine Rodriguez di “Slachtoffer Hulp” y Coordinador di Jeugd en Zeden Politie (JZP) Sr. Eric Barry. E bishita a bai den un ambiente ameno y teniendo na cuenta e protocol di distanciamento social. Entre e topiconan cu a elabora riba dje tabata e ultimo desaroyonan relaciona cu e trabou di polis, crimen y abuso di mucha como tambe con Cuerpo Policial Aruba ta mantene ordo publico y seguridad na Aruba. Despues di e reunion a ricibi un “tour” di e warda di Polis y a bishita diferente departamentonan.

  • Tur cos ta cla pa sorteo di rifa di Rotary Club Aruba diasabra

    Tur cos ta cla pa sorteo di rifa di Rotary Club Aruba diasabra

    ORANJESTAD - E miembro nan di Rotary Club Aruba ta cla cu tur preparacion pa e sorteo di rifa cual lo tuma lugar diasabra awor, 20 di juni 2020. Pa evita aglomeracion e sorteo aki lo tuma lugar den un manera “live” via nan Facebook page. E sorteo di rifa lo ta pa 5:00PM den presencia di un notario. Benta di rifa a cuminsa desde januari caba. Y por a mira miembronan di Rotary Club Aruba durante parada nan di Carnaval promoviendo esaki grandemente. Door di e iniciativa nan aki e benta di e rifa a bai toch positivo. 

  • Canal 90 FM a haya mas voto den encuesta di noticiacla.com

    Canal 90 FM a haya mas voto den encuesta di noticiacla.com

    ORANJESTAD - Oficialmente Aruba tin 19 radio emisora activo registra na Directie Telecomunicatie Zaken (DTZ). Entre nan, esnan cu a participa na e encuesta, a saca nan preferi. Mester bisa si cu aki por a scohe mas cu un, ya cu bo por tin mas cu un faborito. Asina mes, obviamente tin cu a haya mas cu otro. Noticiacla.com ta raporta den e articulo aki e top 10, pero tin e grafico di tur cu a participa y nan porcentahe. 

  • Powered by SETAR