Minister a priminti e recherchenan, espacio adecua na otro edificio

Minister a priminti e recherchenan, espacio adecua na otro edificio

Posted on 09/11/2019 11:28 am AST | Updated on 09/11/2019 11:29 am AST

MACUARIMA - Ekipo di Recherche di Playa, cu actualmente ta staciona na Centro di Husticia na Macuarima, lo haya localidad na e edificio di DOC opleiding. Asina Minister di Husticia Andin Bikker a priminti e grupo di recherche den accion awe mainta na Macuarima. Nan a drenta (manera NoticiaCla.com a raporta prome) den accion, pa motibo di falta di espacio adecuado pa traha. 

E SITUACION

Anteriormente e team aki tabata na Frankrijkstraat, pero debi na situacion di e luga cu tin schimmel, nan a muda pa Macuarima. Segun e mandatario, despues cu el a haya sa di e accion mesora a dirigi su mes pa Macuarima, pa pone su mes na altura di e situacion y pa yega mesora na un solucion. Mientrastanto a laga haci Frankrijkstraat limpi, unda a haci ‘luchtproeven’ pa mira si e aire ta saludabel, despues cu a drecha e murayanan cu schimmel. 

SCHIMMEL

Segun e mandatario, e pruebanan cu a drenta, ta mustra cu actualmente no tin schimmel mas na e edificio y Frankrijkstraat ta limpi. Tanto Minister Bikker como Korpschef Andrew Ho a bisa e grupo di recherche, cu nan tin comprension pa e situacion y ta haciendo lo maximo pa yuda e ekipo di Recherche di Playa, pa yega na solucion temporal.

DOC

Manera tur ‘bekabeling’ pa computer ta cla, recherche lo muda pa edificio di DOC Opleiding, caminda cu cada recherche lo tin un espacio apart, pa por atende publico y duna e servicio na e pueblo di Aruba.

  • Gobierno a menasa SOGA di lo no paga pa renobacion/expansion di HOH

    Gobierno a menasa SOGA di lo no paga pa renobacion/expansion di HOH

    ORANJESTAD – Gobierno den un carta fuerte diabierna manda pa fundacion encarga cu e proyecto di renobacion y expansion di Horacio Oduber Hospital esta SOGA (Stichting Onroerend Goed Aruba), a menasa di lo no cumpli cu nan obligacion di paga pa e proyecto y tuma medida legal contra e fundacion en cuestion pa motibo di fayonan cometi constantemente. E mas recien tabata e inundacion den e parti di S.E.H, esta e parti di Eerste Hulp (Spoed Eisend Hulp) despues di un palo di awacer diabierna marduga. Imagenan ta mustra tur cos menos un proyecto cu ta bal casi un biyon florin. 

  • Tjon: Gobierno mester bisa Parlamento pakico no ta ratifica ley di LAFt

    Tjon: Gobierno mester bisa Parlamento pakico no ta ratifica ley di LAFt

    ORANJESTAD – Si gobierno enberdad a dicidi (manera cu e raportahe di noticiacla.com ta bisa awe) cu a dicidi di no ratifica e ley cu Parlamento a pasa na juni riba cambio di LAFt, nan tin cu informa Parlamento oficialmente pa medio di un carta. Asina lider di fraccion di MEP, Rocco Tjon a bisa e portal aki diahuebs merdia, reaccionando riba e asunto. Gobierno a informa Conseho di Minister di Reino diaranson, di nan decision. Diabierna RMR ta trata e asunto na Hulanda. 

  • Oduber: Ta iresponsabel pa e situacion keda manera cu e ta na ATA

    Oduber: Ta iresponsabel pa e situacion keda manera cu e ta na ATA

    ORANJESTAD – “Mi ta haya lamentabel, cu a yega na e situacion aki cu sigur den mi opinion por a evita”. Asina minister di turismo Dangui Oduber a reacciona pa noticiacla.com riba e menasa di welga cu ta colga riba cabes di Aruba Tourism Authority pa otro siman. Manera ta conoci, sindicato STA a menasa gobierno, cu si pa otro siman 26 di september no tin CAO, lo tin accion na ATA. E trahadonan lo a duna luz berde y mandato pa esaki. 

  • Premier Wever a reuni cu grupo di maestro cu a protesta

    Premier Wever a reuni cu grupo di maestro cu a protesta

    ORANJESTAD - Un grupo di maestro y sindicatonan a reuni cu prome minister Evelyn Wever Croes despues cu siman pasa e maestronan a protesta diabierna atardi. Segun Wever, e reunion a bay den bon ambiente y lo toca e temanan cu e reapectivo mandatario coleganan. Despues e mandatario lo reuni bek cu e grupo di maestro. 

  • Otmar Oduber a confirma cu e ta retira na december como minister

    Otmar Oduber a confirma cu e ta retira na december como minister

    ORANJESTAD – Minister Otmar Oduber a confirma e noticia di Noticiacla.com diamars mainta, anunciando su retiro como minister y politico. Sinembargo su retiro ta drenta na vigor te 12 di december proximo, manera e mes ta anuncia. “E curpa ta cansa” Oduber a bisa diamars mainta, indicando cu e ta bay dedica tempo na famia y cu salud ta un parti di sigur pa su motivacion pa a tuma e decision. E mandatario ta pensa cu e ta haya e tempo oportuno pa retira aworaki. E actual parlamentario di partido POR, Marisol Lopez Tromp ta bira e reemplazante di Oduber como minister, y Dellanira Maduro ta bira e reemplasante di Lopez Tromp den Parlamento. 

  • Minister Otmar Oduber ta retira

    Minister Otmar Oduber ta retira

    ORANJESTAD - Despues di varios rumor un dia prome, awe mainta Noticiacla.com por a confirma e noticia cu Minister Otmar Oduber lo retira como minister. Mientras cu esaki a keda confirma, e motibo exacto no ta conoci. Awe mainta mientrastanto prensa a keda invita pa un conferencia di prensa di ultimo ora di Prome Minister, Evelyn Wever. Keda pendiente pa e conferencia aki awe mainta 10:30 am. 

  • aruba airlines
  • WCC2
  • Powered by SETAR