Pa falta di placa, Gobierno no por cumpli integralmente cu Aduana

Pa falta di placa, Gobierno no por cumpli integralmente cu Aduana

Posted on 09/11/2019 10:31 am AST | Updated on 09/11/2019 10:32 am AST

ORANJESTAD - Pa falta di placa, Gobierno no por cumpli integralmente cu Aduana pa loke ta e.o. e salarishuis. Asina minister di finanza Xiomara Maduro a specifica den un reaccion mas amplio riba e welga di sindicato awe mainta. 

REUNION

Segun e mandatario, tanto e como minister Bikker hunto cu Departamento Huridico y Departamento di Recurso Humano a reuni cu Sindicato di Aduana SADA pa asina splica nan riba e ultimo consehonan y solucion cu tin riba mesa pa locual ta trata e implementacion di e Convenio pa un 'salarishuis' nobo cu SADA a firma cu ex Minister di Finanzas Bermudez na juli 2017 net promer cu eleccion. E Convenio e tempo ey a wordo firma, pero e trabounan mes pa implementa esaki no a wordo haci. 

GOBIERNO NOBO A HACI E TRABOU

Segun Maduro (minister) , ta na entrada di e Gobierno di Gabinete Wever-Croes,  Maduro (minister)  a percura pa e trabounan wordo haci den cual a manda e decreto gubernamental pa conseho na Raad van Advies y a cuminsa prepara e decretonan individual pa asina brinda e Aduaneronan un salario mas halto y un liña di carera mas cortico.

CONSEHO NEGATIVO 

Raad van Advies den su conseho a pidi Gobierno pa evalua e decicion ya cu locual a wordo conveni ta brinda beneficionan grandi cu otro empleado publico no tin y por trece un situacion desigual den e aparato gubernamental y tambe crea un precedencia cu lo por bay trece cune gastonan hopi halto di personal pa Gobierno di Aruba. Teniendo na cuenta e conseho negativo aki di Raad van Advies, Gobierno a manda pidi conseho na Departamento di Recurso Humano y Departamento Huridico riba e precedencia cu e implementacion di e Convenio por trece cune y tambe a pidi Departamento di Finanzas pa cuantifica e posibel gasto di personal aki una vez e presedencia presenta. Tur instancia a mustra nan preocupacion cu e implementacion integral di e convenio lo trece precedencia cune na unda cu otro empleadonan di Gobierno tambe lo por pidi pa e beneficionan aki a base di e principio di igualdad, y e ora e gastonan di personal pa Gobierno lo por core den un extra 60 miyon pa aña, locual bou di e situacion financiero precario ta bira inpagabel. Mester remarca cu Gobierno tin indicacion cu ya caba otro departamentonan kier pidi e mesun beneficionan aki, indicando cu e concretisacion di e presendencia crea ta real.

SITUACION FINANCIERO PRECARIO Y PROTOCOL SERA CU HULANDA

Mirando e hecho cu e situacion financiero di Gobierno ta precario y cu Gobierno a sera un protocol na november 2018 den cual tin cu contene y baha gasto di personal, minister no ta haya prudente ni responsabel pa cumpli cabalmente cu e Convenio y core e risico di bay subi e gastonan di personal grandemente. Ehecucion di e Convenio sin mas lo hiba Pais Aruba den extra gasto di personal y riba dje no lo por cumpli cu e norma pa gasto di personal manera acorda den e Protocol firma cu Hulanda, cu tur e consecuencianan grave cu esaki por trece cune pa full Pais Aruba.

ADUANA NO TA KEDA MAN BASHI

Sinembargo Gobierno ta mustra cu nan no a laga e Aduaneronan cu man bashi y pesey a splica e Sindicato SADA den presencia di Mediador di Gobierno, cu Gobierno ta percura pa cumpli cu un parti di e convenio door di brinda un subida di 175 florin den salario y banda di esaki ta ofrece un liña di carera mas cortico. Minister di Finansas a splica cu locual tabata realmente excesivo den e convenant, Gobierno no por cumpli cun’e. Ta trata di dos punto, cu ta regarda un grupo relativamente chikito di Aduanero. Tur otro deseo Gobierno a purba pa cumpli cune na un manera responsabel. Pues no ta asina cu e Aduanero ta keda man bashi, ya cu tur hende ta bay dilanti cu 175 florin y ta haya e beneficio di un liña di carera mas cortico.

WELGA NO POR PERHUDICA ECONOMIA

Gobierno a tuma nota di e intencion di SADA y e empleadonan di Aduana pa bai welga debi cu Gobierno no por cumpli integralmente cu e Convenio. Apesar cu Gobierno ta respeta derecho di sindicato y empleado pa manifesta, Gobierno tin e responsabilidad pa percura cu e derecho aki, no ta perhudica e economia di nos Pais. Pa e motibo aki Gobierno lo tuma pasonan pa percura pa e servicio di Aduana na comunidad, por sigi sin interupcion sin perhudica economia di Aruba.

 

  • Parlamento via mocion ta urgi Gabinete Wever pa rechasa RFT di Hulanda

    Parlamento via mocion ta urgi Gabinete Wever pa rechasa RFT di Hulanda

    ORANJESTAD – Parlamento di Aruba diahuebs mainta a pasa un mocion den forma unanime, cu ta urgi gabinete Wever Croes con pa actua riba e asunto di impasse cu Hulanda. Mester bisa si cu e parlamentario independiente Daphne Lejuez no tabata presente ya cu e ta sufriendo un quebrante di salud. Entre nan, e mocion ta urgi gobierno pa ‘rechasa e Concept Rijkswet Caribische Hervormingsentiteit’, y pa urgi gobierno pa no forma parti di e RFT (Rijkswet Financieel Toezicht). Ademas Parlamento ta urgi gobierno pa ‘entrega un contra propuesta’ na Rijksministerraad (RMR). Y finalmente, ta urgi gobierno pa continua cu un dialogo cu gobierno Hulandes riba e posibilidad pa haya financiamento sin condicion, condicionan cu no ta en pugna cu e leynan local e internacional y cu no tin un impacto negativo socio economico riba e bida di ciudadanonan di Aruba. Ademas ta pidi gobierno pa desaroya un strategia pa recuperacion y desaroyo pa por haya posibilidad di financiamento adicional pa sostene e forma di biba di e pueblo di Aruba. Por lesa e mocion completo AKI.

  • Oduber: Aruba ta cla pa habri pa Merca diabierna

    Oduber: Aruba ta cla pa habri pa Merca diabierna

    ORANJESTAD - . Minister di Salubridad Publico Dangui Oduber a participa na comunidad di Aruba diaranson anochi durante e conferencia di prensa di Gobierno, cu tur preparacion a keda cla pa reaperutra di frontera cu Merca diabierna awor 10 di juli. 

  • Premier Wever na caminda pa hulanda pa reunion RMR

    Premier Wever na caminda pa hulanda pa reunion RMR

    ORANJESTAD - Despues di a haci tur intento na Aruba, pa purba convence Gobierno di Hulanda pa duna nos espacio y e posibilidad pa hiba un bon dialogo na Aruba mes riba e condicionnan cu Hulanda ta impone pa asina Aruba haya e fiansa pa e di tercer tranche, Premier Evelyn Wever-Croes a dicidi di bay Hulanda diaranson atardi, y atende  reunion di Conseho di Minister di Reino diabierna 10 di juli na unda tin riba agenda e condicionnan pa e derde tranche pa e paisnan den Reino. 

  • Wever: Retiro di 1500 ambtenaar no ta un di e exigencianan di Hulanda

    Wever: Retiro di 1500 ambtenaar no ta un di e exigencianan di Hulanda

    ORANJESTAD – E informacion cu ta circula pa retira 1500 ambtenaar, no ta parti di e medidanan cu Hulanda kier impone riba Aruba. Asina prome minister Evelyn Wever a bisa durante e reunion cu stakeholders diaranson mainta, unda cu a contesta preocupacion y pregunta di stakeholdernan. E mandatario di otro banda, a confirma si cu e otro dos puntonan, esta aumenta edad di pensioen te 67 aña y cambia e sistema di impuesto na BTW di 12.5%, si ta parti di e exigencianan di Hulanda. Segun Wever, e pensioen mester a cambia caba aki 4 aña te 65, pues tabata trahando riba esey. Y pa loke ta impuesto, esey tabata un trayecto cu mester di tempo pa introduci (a menciona entre 12 pa 18 luna di tempo), y cu esaki ta canando. Pues ta puntonan cu no ta nobo. Pa loke ta esun di retira 1500 ambtenaar, mientras cu e no ta riba e lista, di otro forma si ta referi na algo asina, manera reduccion di gasto di personal. Pero no asina directo cu ta haci mencion di retira 1500 ambtenaar. Di otro banda, e ta un deseo si di Hulanda pa bay den e direccion ey. 

  • Lidernan politico di Aruba no ta sostene forma di proceder di Hulanda

    Lidernan politico di Aruba no ta sostene forma di proceder di Hulanda

    ORANJESTAD – Durante un cumbre di algo mas di 2 ora, tur partido politico invita, a mustra nan sosten na prome minister Evelyn Wever contra e posicion cu Hulanda a tuma contra Aruba. Cu esaki, prome minister a haya sosten cu e tabatin mester pa por enfrenta Hulanda diabierna proximo. Segun e mandatario, e la keda contento cu e sosten, y a bisa cu esaki ta haci su decision mas facil pa formula e pensamento di Aruba contra e situacion cu a surgi. Cada partido (MEP, AVP, RED, UPP, POR, RAIZ) cu a presenta (CURPA no a bin), a haya chens amplio pa vocifera nan preocupacion independientemente, pero na final a duna palabra di sosten na Wever Croes contra e forma cu Hulanda ta actuando. Partido AVP a manda su representante Robert Candelaria debi cu e lider Mike Eman pa motibo personal, no por a presenta. Esaki no obstante cu e contenido di e pakete di documento no ta conoci ainda pa ningun hende, pero esey no tabata necesario. A mustra cu tur partido ta riba un liña. A remarca si cu tabata COVID-19 cu a percura pa logra algo asina. Prome minister Wever a priminti di mantene e partidonan presente informa, y lo continua cu e dialogo asina den e proximo dianan nos dilanti. E presentacion cu e partidonan a haya, tabata mescos cu esun di mainta durante e reunion cu tur stakeholders, unda cu aki tambe, tanto e director di DWJZ George Croes como director di Directie Financien Derrick Werleman, a duna nan respectivo presentacion. 

  • Gobierno ta reuni cu gremionan awe mainta riba condicion di Hulanda

    Gobierno ta reuni cu gremionan awe mainta riba condicion di Hulanda

    ORANJESTAD – Gobierno ta reuni diaranson mainta cu gremionan pa delibera riba e condicionnan di Hulanda pa cu e fiansa (3e tranche). Asina prome minister Evelyn Wever Croes a informa. E reunion aki ta wordo transmiti en bibo via e canalnan normal. Esaki e mandatario a haci, pa mustra cu tin transparencia. “ Transparencia pami no ta un palabra bashi, pami e ta cuestion di principio, especialmente si bo no tin nada di sconde” Wever a bisa. Mientrastanto e cumbre awe tardi ta tuma lugar cu e representante di partidonan politico. 

  • aruba airlines
  • Powered by SETAR