Seccion Recherche di Oranjestad a tene walk out awe mainta

Seccion Recherche di Oranjestad a tene walk out awe mainta

Posted on 09/11/2019 10:23 am AST | Updated on 09/11/2019 10:24 am AST

MACUARIMA – E grupo di 12 (di 14) recherché (polis) encarga cu Oranjestad a tene un walk out awe mainta na Macuarima pa protesta e situacion di nan espacio di trabou. Esnan cu no ta den accion ta pasobra nan ta cu vacacion den exterior. Presidente di sindicato di polis Omar de Kort a confirma cu e trabou no por cana debidamente ya cu 13 hende ta traha den un espacio di 5 x 5 meter. Cada biaha nan ta wordo movi di un lugar pa otro. Despues cu edificio di Frankrijkstraat a haya problema dos luna pasa, nan a bay warda di Noord pa un temporada cortico ya cu e no a funciona eynan, y a manda nan Macuarima. Pero aki tambe e situacion no ta bon. Como tal a dicidi di pone trabou abou

REUNION CU HEFE

A notifica Korpschef un anochi prome di e accion, y a pidi un reunion cu Korpshchef ya cu e buchi di e recherchenan a yena. A compronde cu Korpschef a reacciona y lo atende cu nan y minister di husticia Andin Bikker mesora tambe a mobilisa pa Macuarima pa atende cu e situacion. E accion mientrastanto tabata pa duracion di 1 ora, pa despues wak kico ta pasa. 

LOCALIDAD

E problema ta cu tin algun localidad cu por usa, pero cu no ta cla y no ta bon regla. Segun de Kort, a palabra cu lo hinca nan unda cu awor ta Doc Opleiding pero eynan tambe mester verbouw e lugar pa por tin cel pa sospechosonan. Y informacion no ta wordo duna riba e tema. A urgi minister tambe pa aloca e placa pa caba cu e proyecto di unda antes KPMG tabata caminda cu sa unda cu recherché nan mester bay. No ta descarta cu lo por intensifica e accion y cu mas polis. E ta keda como un opcion, y cu otro recherchenan por uni tambe di otro departamento. Tin varios departamento a wordo hala di Frankrijkstraat cu tambe tin problema cu ‘espacio’ y tin mas preocupacion cu mas departamento segun e sindicato. NOTA: Pa wak e entrevista, bay riba e parti LIVE di NoticiaCla.com tanto riba website como APP.

 

 

  • WC4
  • Powered by SETAR