Minister ta lamenta cu douaneronan ta recuri na welga

ORANJESTAD  - “ Mi ta lamenta cu ta recuri na welga”. Esey tabata e prome reaccion di minister Xiomara Maduro riba e decision di douaneronan pa bay den accion diaranson mainta. “Sinembargo, ta libertad di sindicato pero mi ta spera cu nan tene cuenta pa no perhudica economia di nos Pais cu nan accion” e mandatario a sigui bisa. Douaneronan ta bay den accion diaranson mainta, pasobra gobierno a bay bek riba su palabra pa honra e acuerdo di structura salarial data di 2017. Nan kier gobierno revoca nan desicion y compensa esaki cu forza retroactivo.