Algun siman mas pa Hunga, Acumula Y Gana! Wind Creek Casinos ta regalabo un Jeep Wrangler 2019

Posted on 09/10/2019 7:46 pm AST | Updated on 09/10/2019 7:54 pm AST

(ADVERTORIAL)

ORANJESTAD– September – Hungando na Wind Creek Casinos a bira awor aun mas atractivo. Faltando algun siman so mas pa e gran campaña yega su final. Kende lo bai cas cu un Jeep Wrangler 2019? Como miembro di Wind Creek Casinos Aruba bo tin ainda te cu 28 di september pa acumula punto riba bo ‘Wind Creek Reward Card’ pa un ‘raffle ticket’ y asina purba bo suerte pa bai cas cu un Jeep nobo! 

Pa participa ta facil

Cu cada 150 punto acumula hungando unicamente riba diabierna y diasabra, bo lo ricibi un ‘raffle ticket’. No lubida di busca bo ticket serca un di e hostessnan of na ‘Player Services’ y tira esaki den e tombola. Tin oportunidad pa hasi esaki te cu 28 di september. Mas bo hunga, mas punto bo ta acumula, mas ticket bo por tira den e tombola y engrandece bo chance pa gana.

Sorteo Jeep Wrangler 2019

Riba diadomingo, 29 di September pa 8’or di anochi den Renaissance Convention Center lo saca 10 ganador cu lo participa den e sorteo grandi aki. Lo saca 5 ganador for di e tombola di Wind Creek Crystal Casino y 5 ganador for di e tombola di Wind Creek Seaport Casino. For di e 10 participantenan aki lo scohe un solo ganador di e Jeep Wrangler 2019, mientras cu lo reparti $25.000 cash entre e 9 participantenan cu lo wordo reparti den 3 ganador di $500, 3 ganador di $1000, 1 ganador di $5000, 1 ganador di $8000 y 1 ganador di $10.000. Ganadornan mester ta presente pa reclama nan premio, mester ta mayor di edad y mester ta miembro di Wind Creek Casinos Aruba.

Mester remarca cu esaki lo ta di 4 auto cu Wind Creek Casinos lo ta entregando den menos cu un aña, parti di nan gran celebracion aki na Aruba. 

Bishita ‘Player Services’ di Wind Creek Casinos Aruba y busca bo ‘reward card’ completamente gratis y cuminsa acumula punto riba e ‘reward card’ di mas grandi y generoso na Aruba. Invitation ta keda pa hunga na Wind Creek Crystal Casino cu ta habri 24-ora pa dia of na Wind Creek Seaport Casino cu ta habri te cu 4’or di marduga. Corda hunga na un manera responsabel. Pa mas informacion di e campaña por bishita nos Facebook page; facebook.com/CrystalSeaportCasino/ of www.windcreekaruba.com

 

  • Varios buelo di Merca a yega Aruba cu retraso awe pa mal tempo

    Varios buelo di Merca a yega Aruba cu retraso awe pa mal tempo

    ORANJESTAD – Debi na mal tempo pa e parti Noord Oost di Merca diaranson (sneeuw mas tanto), como 5 buelo di aeroliñanan Mericano a yega Aruba cu retraso. Ta trata di buelonan di New York, Boston, y Newark. Aeropuerto di Aruba a informa di e situacion y a pidi tur hende tene cuenta cu e situacion aki pa cu e retraso necesario. E retrasonan ta varia di mei ora pa un ora y mei. E buelonan tabata e.o. B6 557 (JFK), B6773 (Boston), UA 1040 (Newark), DL484 (JFK), UA 1042 (Newark). 

  • Dialuna ta cuminsa cu remodelacion di edificio di DOW, DIP y DLV

    Dialuna ta cuminsa cu remodelacion di edificio di DOW, DIP y DLV

    ORANJESTAD - Dialuna awo 16 di december 2019 lo cuminsa cu remodelacion di e asina yama  Infra gebouw, den cual tin e departamentonan DOW Aruba, DIP y DLV. Nan tur lo haya un balie central y tambe oficinanan amplio unda cu lo por atende publico. Alabes a anuncia cu den cuadro di digitalisacion DOW Aruba a haya su propio website. E website akinan ta duna informacion tocante eorganisacion, nos proyectonan actual y tambe noticianan di ultimo momento. E compania SIM Caribbean tabata responsabel pa traha e website. 

  • Coöperatie VGZ a bishita AZV pa Universal Health Coverage Day

    Coöperatie VGZ a bishita AZV pa Universal Health Coverage Day

    ORANJESTAD - En conexion cu e ‘Universal Health Coverage Day’ cual ta tuma luga 12 di december, Organo Ehecutivo AZV a organiza un programa completo di workshop y seminario pa su empleadonan y stakeholders. Dentro di e programa a incorpora e bishita di Tom Kliphuis, presidente di e Hunta di Directiva desde september 2014 di VGZ. VGZ ta un cooperacion di seguronan di cuido medico cu ta duna servicio na 4 miyon asegurado. Haciendo esey, VGZ ta e di dos seguro di cuido medico mas grandi di Hulanda. 

  • ImSan a cuminsa realisa operacionnan di catarata y pronto di retina

    ImSan a cuminsa realisa operacionnan di catarata y pronto di retina

    ORANJESTAD – ImSan a cuminsa realisa operacionnan di catarata y pronto di retina! Asina minister di Salud Dangui Oduber a informa e siman aki. E ta mustra den un comunicado cu dia 6 di december ultimo a tuma lugar e prome operacion di catarata na Instituto Medico San Nicolas (ImSan). Den pasado semper e operacion di catarata tabata tuma luga na Dr. Horacio E. Oduber Hospital. ImSan a conoce inversion y desaroyo cu a tuma luga pa e parti medico, den e inversion aki a inverti entre otro den e aparato di mas sofistica pa haci operacionnan di wowo. Danki na e inversion aki, awor por realisa e operacion di catarata na ImSan mes y esaki sigur ta un logra den cuido medico na Aruba. Awor cu tin mas sala disponibel pa operacionnan di wowo, esaki lo bay yuda na reduci e tempo di espera pa pashentnan cu ta wardando pa haci e dicho operacion. 

  • Stichting Parkietenbos ta keha di holor malo y gas di Ser’i Teishi

    Stichting Parkietenbos ta keha di holor malo y gas di Ser’i Teishi

    ORANJESTAD -  Holor malo y gas di Ser’i Teishi ta sigui afecta bida di habitantenan. Asina e fundacion di Parkietenbon ta bisa den un comunicado diamars. Segun e fundacion, mas di dos siman despues cu expertonan di exterior a bishita Ser’i Teishi pa asisti Serlimar pa remedia e situacion cu a surgi cu e deramento di e envirobales, ainda keto bay holor malo y posibel gasnan toxico ta afectando e habitantenan di e besindario. Stichting Parkietenbos tin cu enfatisa cu nunca antes e habitantenan a pasa den un situacion asina manera cu ta pasando actualmente.  For di marduga y mainta trempan e habitantenan no por hala rosea di aire limpi, bo rosea ta wordo corta y bo ta ansha y haya tosamento y dolor di cabes. 

  • David Passchier a huramenta como ambtenaar na Raad van Advies

    David Passchier a huramenta como ambtenaar na Raad van Advies

    ORANJESTAD – Dia 10 december 2019  sr. mr. David M. Passchier a huramenta como ambtenaar na Raad van Advies. Secretaris di Raad van Advies, mr. Albert Braamskamp, tawata e persona apodera pa Gobernador di Aruba pa den su nomber efectua e huramentacion.

  • cheers wind creek casino
  • Powered by SETAR