Sada ta protesta ‘toegangontzegging’ di nan presidente Eduard Maduro

Sada ta protesta ‘toegangontzegging’ di nan presidente Eduard Maduro

Posted on 09/10/2019 4:44 pm AST | Updated on 09/10/2019 4:44 pm AST

ORANJESTAD – Sindicato di douanero SADA a duna gobierno 2x24 ora, pa pone nan presidente Eduard Maduro bek na trabou. Esaki despues cu e presidente a haya un ‘toegangontzegging’ siman pasa diabierna pa motibo di tabata ‘nalatig’, durante un dia di trabou na juli ultimo. Maduro durante un conferencia di prensa a mustra riba e hechonan y a splica cu, basa riba prueba, cu e no a haci nada e dia ey di ‘nalatigheid’ y cu ta mas bien un persecusion directo contra su persona. Si e ultimatum vence sin cu permiti Maduro bek na trabou, no ta descarta cu lo tin un of otro protesta. 

E CASO

Segun Maduro, ora cu a bay averigua kico tur a sosode riba e fecha cual Maduro ta wordo acusa di no a cumpli cu su trabou, a bin resulta, segun Maduro, cu e no tabata ni na pia di trabou pa practicamente henter dia. For di 9’or e y algun trahado a bandona trabou pa un reunion, sigui pa mas reunion y celebracion na Cocolishi, cu lo a dura te banda di 3’or. Esaki siendo cu e ora di trabou ta di 8-4pm. Como tal, Maduro ta considera cu e keho y reclamo no ta hustifica, pa cual mester revoca e ‘suspension’. 

‘NALATIGHEID’

Loke a pasa segun Maduro ta, cu no a traha un ‘wachtrapport’, cu ta un rapport cu ta detaya loke a sosode e dia ey door di e supervisor di turno, pa asina esun cu tuma over, por tin informacion pa kico pa haci. Pero segun Maduro, ora cu ‘leiding’ a bay haci un investigacion, a bin resulta cu no tabatin un ‘wachtrapport’ traha pa e warda di 8-4pm y cu Maduro tabata esun responsabel pa e ‘wachtrapport’ aki. Maduro ta sigura cu e no por a traha ‘wachtrapport’, si e no tabata na trabou mes, esta na pia di trabou. Como tal a dicidi cu ta exigi di minister y director di douane, pa pone bek na trabou 2x24 ora. 

  • wc2 enero
  • Powered by SETAR