Luigi Bergen ta huramenta diaranson atardi como Parlamentario pa MEP

Luigi Bergen ta huramenta diaranson atardi como Parlamentario pa MEP

Posted on 09/10/2019 11:43 am AST | Updated on 09/10/2019 11:44 am AST

ORANJESTAD – Candidato di partido MEP Luigi Bergen, ta huramenta diaranson merdia 2’or cerca Gobernador interino Yvonne Laclé, como e siguiente parlamentario pa e fraccion. Esaki despues cu sra Sue Ann Ras a tuma su retiro di Parlamento luna pasa. Dialuna tabata e ultimo dia di Ras, y Bergen ta asumi su posicion entrante diaranson merdia. Bergen durante un entrevista na prensa diamars mainta, a confirma cu e ta wordo huramenta, pero no kier a bay riba e tema di su situacion familiar cu ta hopi den publicidad. El a bisa solamente cu e y su famia ta pasando den momentonan dificil pa motibo di loke a pasa internamente, pero no tabata dispuesto pa divulga detayes, den intento pa proteha su yiunan. Informacion tin ta cu lo tin un asunto familiar cu a bira noticia publico via rednan social esta cu tin kiebro den su relacion matrimonial, creando un situacion incomodo pa tanto e partido como su persona. 

  • Gobierno a menasa SOGA di lo no paga pa renobacion/expansion di HOH

    Gobierno a menasa SOGA di lo no paga pa renobacion/expansion di HOH

    ORANJESTAD – Gobierno den un carta fuerte diabierna manda pa fundacion encarga cu e proyecto di renobacion y expansion di Horacio Oduber Hospital, esta SOGA (Stichting Onroerend Goed Aruba), a menasa di lo no cumpli cu nan obligacion di paga pa e proyecto y tuma medida legal contra e fundacion en cuestion, pa motibo di e fayonan cometi constantemente. E mas recien tabata e inundacion den e parti di S.E.H, esta e parti di Eerste Hulp (Spoed Eisend Hulp) despues di un palo di awacer diabierna marduga. E imagennan ta mustra tur cos, menos un proyecto cu ta bal casi un biyon florin. 

  • Tjon: Gobierno mester bisa Parlamento pakico no ta ratifica ley di LAFt

    Tjon: Gobierno mester bisa Parlamento pakico no ta ratifica ley di LAFt

    ORANJESTAD – Si gobierno enberdad a dicidi (manera cu e raportahe di noticiacla.com ta bisa awe) cu a dicidi di no ratifica e ley cu Parlamento a pasa na juni riba cambio di LAFt, nan tin cu informa Parlamento oficialmente pa medio di un carta. Asina lider di fraccion di MEP, Rocco Tjon a bisa e portal aki diahuebs merdia, reaccionando riba e asunto. Gobierno a informa Conseho di Minister di Reino diaranson, di nan decision. Diabierna RMR ta trata e asunto na Hulanda. 

  • Oduber: Ta iresponsabel pa e situacion keda manera cu e ta na ATA

    Oduber: Ta iresponsabel pa e situacion keda manera cu e ta na ATA

    ORANJESTAD – “Mi ta haya lamentabel, cu a yega na e situacion aki cu sigur den mi opinion por a evita”. Asina minister di turismo Dangui Oduber a reacciona pa noticiacla.com riba e menasa di welga cu ta colga riba cabes di Aruba Tourism Authority pa otro siman. Manera ta conoci, sindicato STA a menasa gobierno, cu si pa otro siman 26 di september no tin CAO, lo tin accion na ATA. E trahadonan lo a duna luz berde y mandato pa esaki. 

  • Premier Wever a reuni cu grupo di maestro cu a protesta

    Premier Wever a reuni cu grupo di maestro cu a protesta

    ORANJESTAD - Un grupo di maestro y sindicatonan a reuni cu prome minister Evelyn Wever Croes despues cu siman pasa e maestronan a protesta diabierna atardi. Segun Wever, e reunion a bay den bon ambiente y lo toca e temanan cu e reapectivo mandatario coleganan. Despues e mandatario lo reuni bek cu e grupo di maestro. 

  • Otmar Oduber a confirma cu e ta retira na december como minister

    Otmar Oduber a confirma cu e ta retira na december como minister

    ORANJESTAD – Minister Otmar Oduber a confirma e noticia di Noticiacla.com diamars mainta, anunciando su retiro como minister y politico. Sinembargo su retiro ta drenta na vigor te 12 di december proximo, manera e mes ta anuncia. “E curpa ta cansa” Oduber a bisa diamars mainta, indicando cu e ta bay dedica tempo na famia y cu salud ta un parti di sigur pa su motivacion pa a tuma e decision. E mandatario ta pensa cu e ta haya e tempo oportuno pa retira aworaki. E actual parlamentario di partido POR, Marisol Lopez Tromp ta bira e reemplazante di Oduber como minister, y Dellanira Maduro ta bira e reemplasante di Lopez Tromp den Parlamento. 

  • Minister Otmar Oduber ta retira

    Minister Otmar Oduber ta retira

    ORANJESTAD - Despues di varios rumor un dia prome, awe mainta Noticiacla.com por a confirma e noticia cu Minister Otmar Oduber lo retira como minister. Mientras cu esaki a keda confirma, e motibo exacto no ta conoci. Awe mainta mientrastanto prensa a keda invita pa un conferencia di prensa di ultimo ora di Prome Minister, Evelyn Wever. Keda pendiente pa e conferencia aki awe mainta 10:30 am. 

  • aruba airlines
  • Banco Di Caribe autos.1
  • Powered by SETAR