MetaCorp a alerta trahadornan riba posibel ciere di tres di su companianan

MetaCorp a alerta trahadornan riba posibel ciere di tres di su companianan

Posted on 09/9/2019 6:14 pm AST | Updated on 09/9/2019 6:19 pm AST

ORANJESTAD – E compania madre di Ecogas, Ecotech y Tropical Bottling Company, esta MetaCorp dialuna a manda un memo interno pa tur su trahadonan (di tur cu ta cay bou di Meta y subsidiario) cu e mensahe cu tin posibilidad cu tur tres compania lo por bay cera nan portanan. E memo ta recorda e trahadonan cu dos luna pasa nan a alerta e trahadonan caba di e intencion di minister Otmar Oduber pa cera Ecogas y Ecotech. E memo di dialuna ta mustra cu awor tin menasa tambe cu Tropical Bottling Company por cera su portanan, debi na e intencion di introduci ‘sugar tax’, cu lo haci practicamente imposibel pa e compania ultimo aki keda opera. 

E PROME MENSAHE

Segun e memo, e mensahe di dos luna pasa a haya forza, ora cu algun dia pasa (4 di september 2019), a entrega e landsverordening na Parlamento pa e cambio di ley. “Esaki lo tin como resultado cu Serlimar lo bira un monopolio y Ecotech lo stop di existi”, e memo ta sigui bisa. “E proximo paso di Otmar Oduber ta un ley di incinerator, cu ta nifica cu tur desperdicio mester bay pa e mass burn incinerator y no por bay Ecogas mas, cu consecuencia cu Ecogas tambe lo cera” e memo ta sigui bisa. 

DESASTROSO

Segun e memo, ta duel MetaCorp hopi cu tin cu manda e memo aki, ‘pero ta algo hopi desastroso, cu ta afecta boso tur y boso famia. Maske cuanto cu nos empresa a purba dialoga y informa gobierno, te awor tur esfuerso no a duna ningun resultado faborabel y nos ta constata cu gobierno ta persisti cu su intencion,” e carta pa trahadonan ta sigui bisa. “Minister ta bisa cu nos por keda habri, pero esey no ta berdad, pasobra un empresa sin entrada, no por keda habri”. 

SUGAR TAX

Loke a bin acerca awor segun MetaCorp, ta e asunto di sugar tax. “Si tur esaki no ta basta, awor gobierno kier bin cu un ‘sugar tax’, cu lo ta devastador pa e unico fabrica di refresco aki na Aruba, cu ta nos propio Tropical Bottling” e carta ta sigui bisa. Segun MetaCorp, “ gobierno kier culpa Hulanda cu ta insisti riba un sugar tax, pero esaki tampoco por ta berdad, pasobra Hulanda mes no tin sugar tax”. 

CELEBRACION 100 ANNIVERSARIO

E compania ta mustra, cu ta parce cu gobierno no kier pa MetaCorp celebra 100 aña di existencia como e empresa Arubiano di mas antiguo. “E situacion aki ta critico y ta un peliger pa democracia y pa nos constitucion, no solamente pa nos empresa, pero pa tur empresa na Aruba y cu lo afecta empleo di hopi Arubiano. Gobierno kier pasa problema di sector publico pa sector priva” e carta ta finalisa bisando, y cu e mensahe ‘keda pendiente’. Na NoticiaCla.com e gerencia a confirma cu e carta aki enberdad a keda manda dialuna mainta na e trahadonan. Lesa e memo AKI

 

  • Aruba a ricibi su prome turistanan Mericano bek despues di 4 luna

    Aruba a ricibi su prome turistanan Mericano bek despues di 4 luna

    ORANJESTAD – Despues di 4 luna di ausencia, e prome avion comercialnan di Merca a bolbe Aruba diabierna merdia. Mirando e importancia di e mercado aki, esnan responsabel pa turismo na Aruba a bay ‘all out’, completo cu steelband, bailarinan carnavalesco y regalitos na salida di aeropuerto. Por a nota e ‘normal nobo’ mesora, unda cu tur hende, tanto trahado como turista tabatin nan mondkapje bisti. Turistanan cu sonrisa riba nan cara, tabata mustra e alegria di ta bek na Aruba. Hopi di nan sinembargo, asina cu nan sali for di aeropuerto, a opta pa kita nan mondkapje. Un total di 5 avion di Merca a percura pa e euphoria aki, siendo e mercado principal di Aruba. Buelonan di Europa y Caribe tambe a aterisa, pero no tabatin e mesun impacto. Hopi hende tabata cu lagrima na wowo, ora cu nan a mira aeropuerto ‘biba’ atrobe. Autonan di taxi, bus, hende. Un alegria pa por a mira nos industria bek, despues di 4 luna di pena, debi na COVID-19. E cantidad spera tabata casi 1000 pasahero, mientras cu e grupo mas grandi ta wordo spera diasabra awor. Na tur ta spera 4000 pasahero for di Merca e fin di siman aki. 

  • APA: Barco crucero Seven Seas Splendor ta ‘lay up’ na Aruba

    APA: Barco crucero Seven Seas Splendor ta ‘lay up’ na Aruba

    ORANJESTAD - Den waf di Aruba Ports Authority (APA) por a nota e barco crucero Regent Seven Seas Splendor mara den nos waf cual a yega Aruba diaranzon mainta. Regent Seven Seas Splendor a opta pa “lay up” na Aruba mientras cu e biahenan crucero ta suspendi temporalmente.

  • Aeropuerto di Aruba lo ricibi casi 4000 pasahero e weekend aki

    Aeropuerto di Aruba lo ricibi casi 4000 pasahero e weekend aki

    ORANJESTAD – Aeropuerto di Aruba lo ricibi su prome cantidad cuantioso di trafico diabierna desde e crisis di COVID-19 a inicia.  Aruba Airport Authority N.V. (AAA) ta contento pa informa cu e fin di siman aki, (Diabierna, Diasabra y Diadomingo) Aeropuerto Internacional Reina Beatrix (AUA Airport) ta spera di procesa 40 avion y rond di 4 mil (4000) pasahero na aeropuerto. Segun e cifranan preliminar di pasashinan cumpra, Diasabra 11 di Juli 2020 lo ta e dia di mas druk, cu mas di 1700 pasahero yegando riba 14 buelo. 

  • Werleman: Nos deficit ta uno nunca bisti den historia di Aruba

    Werleman: Nos deficit ta uno nunca bisti den historia di Aruba

    ORANJESTAD – Te cu awor, departamento di finanza di gobierno ta bisa cu e aña aki Aruba ta premira cu te awor tin un deficit 1.1 biyon florin, segun e director Derrick Werleman. “E ta un number nunca bisto den historia di Aruba” Werleman a sigui bisa. Esaki kier men cu Aruba tin un montante hopi grandi pa financia. “Gran parti di e montante a wordo financia caba, den e lunanan cu a pasa den e mercado internacional y domestico” Werleman a sigui bisa. 

  • Daniel Ferrara: Nos orguyo Rubiano no ta paga nos coriente!

    Daniel Ferrara: Nos orguyo Rubiano no ta paga nos coriente!

    ORANJESTAD – “Nos ta compronde Aruba su dolor den e parti di autonomia, pero lastimosamente, nos orguyo Rubiano no ta paga nos coriente, no ta paga nos awa, y no ta pone cuminda riba mesa”. Asina e representante pa Aruba Food & Beverage Association, conocido chef y propietario di Giannis Group, Daniel Ferrara, a pinta un situacion basta fuerte di sector publico pa e forma cu el a keda afecta pa e crisis di COVID-19. Tabata durante e session di informacion cu stakeholdernan diaranson mainta, cu Ferrara a expresa su mes asina durante e session di haci pregunta, splicando gobierno asina pakico mester acepta e condicion di Hulanda diabierna di RFT pa nos por sigui haya e fiansa necesario pa por sigui opera na Aruba. 

  • SETAR ta introduci su servicio nobo di IPTV y Wi-Fi mesh

    SETAR ta introduci su servicio nobo di IPTV y Wi-Fi mesh
  • Powered by SETAR