Drama familiar na Hulanda ta laga tata Arubiano y dos yiu morto

DORDRECHT – Un caso di tiramento dialuna na Dordrecht Hulanda, a bira un drama familiar. Ta trata di un caso, unda cu un homber lo a tira su dos yiunan mata y su casa lo a fayece despues y finalmente e mes lo a tuma su bida. A resulta cu e homber ta un Arubiano cu ta polis na Hulanda, Juni Cardoze. Famianan a expresa nan tristesa caba riba rednan social y hopi familiar obviamente ta den estado di shock. Pa loke ta e caso mes, oficialmente ta papia di 3 morto, esta e tata y e dos yiunan y cu e casa lo ta gravemente herida. E portal Hulandes NOS ta haci mencion, cu e casa lo a fayece na caminda pa Hospital, pero no por a confirma esaki.  E famia lo tabata den proceso di divorcio. Hopi accion tabatin rond di e tragedia aki, cu no menos cu 10 pa 12 ambulance, dos trauma helicopter, varios bombero.