Alvin Koolman a retira ‘per direct’ como director di RdA

Alvin Koolman a retira ‘per direct’ como director di RdA

Posted on 09/9/2019 4:15 pm AST | Updated on 09/9/2019 4:44 pm AST

ORANJESTAD – E anuncio di retiro repentino di director gerente di Refineria di Aruba (RdA), Alvin Koolman, dialuna atardi a cay como un sorpesa pa hopi. Den un carta di 3 pagina, Koolman ta splica su motibo. Ademas a yama un conferencia di prensa, pa awe tardi 4:30pm pa mas informacion. For di e carta di retiro, ta nota cu e motibo principal ta e relacion (of falta di dje) entre Koolman y gobierno (accionista principal) y e ‘clash’ cu por tin entre gobierno y e directiva. “Y ora cu mi a wordo contesta cu Prome Minister ta sigui opinion di e mesun conseheronan aki (cu lo a conseha algo otro cu Koolman a bisa), mi no tin nada otro di conclui cu mi opinion, no ta ser balora ni personal ni como director di RdA”, Koolman ta bisa dado momento den e carta (cu NoticiaCla.com lo publica integralmente mas abou). Koolman ta papia di situacion frustrante entre gobierno y esunnan cu ta maneha e refineria y menasa di schors su persona, pasobra e lo no kier ‘hinca palabra polemico’ den e articulonan di un MOU, unda cu el a dicidi e ora di ‘keda nada otro di entrega mi retiro di immediato”. Tambe e ta duna indicacion cu esunnan cu lo ta ‘negoshando’ pa un reapertura, lo no ta haciendo esaki bin y cu lo por ta ripitiendo e hecho cu ‘Gobierno di Aruba no sa negosha cu e instancianan multi-nacional’. Ta papia entre otro di un tax holiday cu gobierno no mester a duna na 1997, cu a pone cu Aruba a perde ‘miyones’ durante e ‘golden years of refining’ entre 2004 y 2007. Tambe Koolman ta papia di cu ‘pa falta di negosha cu Valero mes, cu a perde di por a haya un expansion di un Hydrocraker complex, cu por haci cu Valero Aruba ta operando ainda’. Ta hopi cla cu Koolman no ta contento con e forma di negosha ta bayendo ni con gobierno ta bezig ta ‘maneha e situacion’. Lesa e carta completo AKI. Potret di archivo di e ultimo conferencia di Koolman na february di e aña aki. 

  • Croes: Si Comercio kier ley laboral flexible pa kita trahado, contesta ta no

    Croes: Si Comercio kier ley laboral flexible pa kita trahado, contesta ta no

    ORANJESTAD – Si comercio kier flexibilidad di ley laboral pa kita hende for di trabou, e contesta ta no. Asina minister di Labor Glenbert Croes a contesta un pregunta durante e briefing di diamars merdia riba coronavirus. Aunke e no ta haci mencion specifico di Camara di Comercio (KvK), e ta referi si na dje. Camara di Comercio recientemente a pidi gobierno e.o. pa flexibilisa e leynan di labor pa por atende miho cu e situacion di e crisis. KvK ta pidi specificamente pa por tin posibilidad di kita hende di trabou si ta necesario, relaciona cu e crisis.

  • Gradus na RMR: Aruba por haya sosten di likides di 42 miyon pa coronavirus crisis

    Gradus na RMR: Aruba por haya sosten di likides di 42 miyon pa coronavirus crisis

    ORANJESTAD – E colegio di supervision financiero CAFt (lesa: Raymond Gradus) ta recomenda Rijks Minister Raad (RMR), osea conseho di minister di Reino Hulandes pa duna Aruba un sosten di likides na balor di 42.8 miyon florin, cu e tin cu paga bek dentro di dos aña, ‘den un solo tiro’. Asina e presidente di e colegio Raymond Gradus ta bisa den su carta. Mester bisa si, cu e carta no ta conta cu sosten di e miembro local (Hellen van der Wal) cu a distancia su mes di e conseho aki. Den un otro articulo adhunto, noticiacla.com ta splica e ‘crisis’ cu a surgi den e constelacion di e colegio, unda cu tur miembronan local a ‘distancia’ nan mes di e respectivo consehonan pa fiansa. 

  • Conseho riba sosten di likides a causa rabia interno den CAFT/CFT

    Conseho riba sosten di likides a causa rabia interno den CAFT/CFT

    ORANJESTAD – Miembronan local di e colegio di supervision CAFT/CFT (e miembronan cu ta representa nan respectivo isla Aruba, Corsou y St Maarten) a distancia nan mes di e consehonan ultimo riba e sosten di likides pa e islanan di Caribe Hulandes. Asina nan ta raporta den un carta rabia cu NoticiaCla tin den su poder, cual carta a keda manda pa e presidente di e colegio, Raymond Gradus diamars. E miembronan tin problema cu e contenido di e conseho cu e presidente Gradus a manda pa Rijks Minister Raad awe riba e sosten di likides. 

  • KVK: Cambia leynan laboral pa minimalisa daño di coronavirus

    KVK: Cambia leynan laboral pa minimalisa daño di coronavirus

    ORANJESTAD - Camara di Comercio y Industria (KvK) a propone na gobierno di Aruba pa e siguiente cambionan wordo aproba mas pronto cu ta posibel den e Leynan Laboral di Aruba.

  • Prijs di gasoline ta conoce reduccion grandi diaranson

    Prijs di gasoline ta conoce reduccion grandi diaranson

    ORANJESTAD – Gasoline, diesel y kerosene ta baha entrante diaranson awor. Asina minister di Finanza Xiomara Maduro a raporta dialuna. Normalmente ta anuncia cambio den e productonan aki riba e diamars prome cu e di dos diaranson di luna, pero a dicidi di adelanta esaki cu un dia. E prijs nobo pa gasoline ta un rebaho di 36.6 cent, mientras pa diesel esaki ta 23.9 cen y pa kerosine esaki ta 33.6 cen di reduccion. Sigur un bon noticia den e dianan fastioso aki. 

  • Papel di 100 florin nobo di Aruba a gana premio prestigioso

    Papel di 100 florin nobo di Aruba a gana premio prestigioso

    ORANJESTAD  – International Bank Note Society (IBNS) a anuncia cu Banco Central di Aruba (BCA) a gana e premio prestigioso “Bank Note of the Year Award” pa 2019. Ta trata di e diseño di e papel di 100 florin nobo cu a keda presenta aña pasa juni.  E color di e placa ta dominantemente berde, cu ta representa e habitat natural di diferente especie di Aruba su flora y fauna. A nomina Aruba for di 22 pais, y a haci un mencion bunita di e placa aki

  • Powered by SETAR