Aruba a prolonga ciere di frontera cu Venezuela atrobe

ORANJESTAD – Gobierno di Aruba a prolonga e ciere di frontera cu Venezuela cu tres luna mas. Asina prome minister di Aruba Evelyn Wever a informa dialuna mainta den e conferencia di prensa di Aruba. Segun Wever, e situacion no ta cla pa habri esaki ainda y como tal a dicidi pa prolonga e ciere te cu dia 10 di December proximo. E ultimo prolongacion lo mester a vence mayan, dia 10 di September. Tambe a bisa cu tanten cu e ESTA pa Venezuela (tipo di pre-visa) no ta cla, no por habri frontera tampoco. Riba pregunta di NoticiaCla.com, e prome mandatario a bisa cu si nota cu lo tin motibo prome cu e fecha, pa habri e frontera, lo haci esaki. Pero aworaki ta mustra cu gobierno lo mester tur tres luna di tempo pa keda cla cu e.o. e proceso pa introduci e ESTA, cu e luna aki ainda lo keda trata den Parlamento di Aruba. Unabez cu e ley pasa, e proceso di control segun ESTA ta cuminsa.