Tur Sistema Di Pago Di MCB Group Ta Bek Den Servicio

Tur Sistema Di Pago Di MCB Group Ta Bek Den Servicio

Posted on 09/8/2019 7:49 pm AST | Updated on 09/8/2019 7:51 pm AST

ORANJESTAD/WILLEMSTAD - Maduro & Curiel’s Bank y su grupo di banco a pidi disculpa, pa un interupcion di servicio diasabra ultimo entre 3’or di atardi y 7’or di anochi. 

Durante e oranan aki tur sistema di pago, Bancomatico y Online Banking di MCB Group a cay afo. E ekipo di IT (Information Technology) mesora a traha riba e problema y tur servicio a keda restaura pa mas o menos 7’or di anochi. MCB Group a ofrece su disculpa pa e inconveniencia y consternacion cu esaki a causa. 

E team di IT a sigui traha, pa por a determina kico por a causa e interupcion di servicio, pa esaki no tuma luga mas. Ta resulta cu un eror a surgi durante mantencion regular di e red, cu a resulta cu e servicionan di ATM, POS y Online Banking a cay afo. Pa por a restaura e servicionan, un cantidad di proceso tecnico mester a tuma luga pa garantisa reestablecemento adecua di e servicionan na e clientenan. Esey a tuma luga instantaneamente y a resolve e problema completamente diasabra mes pa 7’or di anochi. 

Un biaha mas a ta pidi disculpa pa loke a sosode, pero ta contento cu e problema a keda resolve, pa e banco por sigui brinda e clientenan e servicio cu nan ta custuma cu ne. 

 

  • Powered by SETAR