Incubador Expo a habri na Cas di Cultura

Posted on 09/8/2019 7:41 pm AST | Updated on 09/8/2019 7:42 pm AST

ORANJESTAD - Diabierna 6 di september, tabatin un exposicion cu yama : Incubator Expo na Cas di Cultura, di locual fotografia a forma parti di dje. A presenta un exposicion di e diferente potretnan di varios persona, cu a sigui un curso di introduccion cu di e fotografo Kuro. Esaki a resulta den e potretnan interesante, cu tabata exponi pa tur bin admira.   

Kuro a splica cu e idea di e curso -'Portraits Series Workshop'- tabata originalmente pa introduci fotografia y pa siña e aspectonan basico, manera; 'lighting', 'shutter speed', ISO etc.

Un di e participantenan, a haci un trabou impresionante cu su obra. Ta trata di e fotografo, Aimée Henriquez, cu a uza un modelo den aire liber pa despega ‘elegancia’. Mi a cuminsa cu un modelo, nos a conoce otro y asina e modelo tabata sa, kico mi tabata busca. Mi a busca elegancia y a haya ‘sexy’, Henriquez, un di e fotografonan cu a participa, a bisa NoticiaCla.com.

Segun Kuro, el a para bira algo mas personal, unda e reto a bira algo cu e cursistanan mes kier y a termina ta haci. A logra e meta, a pesar cu no tur tabata sa kico e curso tabata encera, pero poniendo atencion y hayando guia, a logra haci algo hopi creativo cu resultado hopi satisfactorio y contento relaciona cu e aspecto fotografico, cu no a spera. Tanto e aspecto aki como e parti cu asiña hopi, a pone cu e curso tabata exitoso.                                 

Kuro a finalisa bisando, cu lo tin un curso pa continua siguramente.

  • Powered by SETAR