Detencion di 4 hoben cu a bati un adicto ambulante, a keda prolonga awe

Detencion di 4 hoben cu a bati un adicto ambulante, a keda prolonga awe

Posted on 09/6/2019 12:03 pm AST | Updated on 09/6/2019 12:05 pm AST

ORANJESTAD – Detencion di tur cuater hoben envolucra cu maltrato di un homber adicto ambulante, a keda prolonga diabierna (awe) cu 8 dia. Vocero di ministerio publico Ann Angela a confirma solamente cu e cuater hobenan, edad 12 (2x), 13 y 14, nan detencion a keda prolonga. “En principio”, cu ta nifica cu e prolongacion ta uno ‘standard’ di 8 dia, pero si keda cla mas tempran cu investigacion, lo laga nan bay mas prome of te hasta prolonga nan detencion. 

E CASO

Manera Noticiacla.com a raporta caba, un video cu a aparece diamars atardi riba e rednan social di dos hoben batiendo un persona adicto ambulante cu palo, ta creando rabia den comunidad. Ta trata di un alumno di EPB San Nicolas y un alumno actual di Paulus school na San Nicolas, cu a hinca e homber den un skina di un edificio bandona pariba di e scol menciona. Un di nan ta den 6e klas y tin loke ta parce, su uniform di scol bisti ainda y e otro tin e uniform di EPB San Nicolas. Nan ta dal e homber y tir’e cu palo tambe, mientras cu e homber ta sclama pa nan stop. E edificio bandona ta ex Prinses Christina school, cu ta net pariba di Joe Laveist Ballpark. Esaki sigur a crea indignacion pero na mesun momento ta un señal hopi cla tambe, con nos muchanan ta anda cu otro hende. Awe ta un adicto ambulante y mañan por ta un hende grandi of hasta otro mucha. Ta di compronde cu mester ta rabia cu e muchanan, pero di otro banda, mester puntra mesora kico ta loke a pone nan haci e acto aki y unda educacion di cas a keda? E scolnan respectivo a reacciona caba y a cuminsa cana e paso necesario. Potretnan ta screenshot di e video cu ta circulando.

  • OM: Investigacion Latin Passion Bar ta andando

    OM: Investigacion Latin Passion Bar ta andando

    ORANJESTAD - Ministerio Publico a informa diabierna atardi, cu e investigacion di e sucedidonan riba 22 di juli 2020 na Latin Passion Bar na San Nicolas, ta andando ainda. E investigacion aki lo tabatin hechonan castigable cu a keda cometi. 

  • Mantbraca a perde apelacion contra gobierno pa trabou di renobacion den caya grandi

    Mantbraca a perde apelacion contra gobierno pa trabou di renobacion den caya grandi

    ORANJESTAD - Ayera Corte Superior a dicta sentencia den e caso cu Mantbraca a entama contra Pais Aruba tocante e trabounan di renovacion den caya. Corte Superior, mescos cu e Corte den Prome Instancia, a rechaza tur demanda haci di parti di Mantbraca, y a duna Pais Aruba rason cu el a termina cu e contracto di construccion cu Mantbraca.

  • Findishi a genera mas cu 100 mil florin pa Afpakteam na Aruba

    Findishi a genera mas cu 100 mil florin pa Afpakteam na Aruba

    ORANJESTAD - E findishi di Afpakteam Integral di Aruba a bay hopi positivo awe y a rindi mas cu 111.000 florin. Asina vocero di ministerio publico Ann Angela a raporta. Tur cos (dos boto, cuatro auto y un UTV) a wordo bendi. Tabatin hopi publico. E ganashi lo bay pa e Criminaliteitsbestrijdingsfonds y lo wordo usa pa bringa criminalidad na Aruba.

  • Dos dama local cu tabata deteni pa destruccion, ta recobra nan libertad

    Dos dama local cu tabata deteni pa destruccion, ta recobra nan libertad

    ORANJESTAD – Conocido ciudadanonan Xiomara W. y Izaira M. lo recobra nan libertad diahuebs atardi, despues di tabata deteni for di un dia prome. Asina nan abogado Chris Lejuez a confirma pa e portal aki. Segun Lejuez durante e voorgeleiding awe mainta, fiscal a bisa nan cu nan (e dos personanan) lo bay cas, y lo no pasa un anochi mas na warda di polis. Ambos dama a keda deteni diamars despues cu nan lo a causa destruccion na cas di un persona cu nan ta considera un pedofiel. E persona en cuestion lo a manda mensahe no corecto pa nan yiu, y como tal despues di a taha e homber en cuestion, Marshal V. nan lo a bay e cas di e homber y causa destruccion. Aki polis a detene ambos dama, cu mester a pasa anochi den cel na warda di polis di Shaba. 

  • Confirma: Bote ter Stege ta bira PG nobo di Aruba

    Confirma: Bote ter Stege ta bira PG nobo di Aruba

    ORANJESTAD - Conseho di Minister di Reino a bay di acuerdo conforme proposicion di Gobierno y Minister di Husticia di Aruba mr. Andin Bikker, pa nombra mr. Bote ter Steege como Procurador General di Aruba pa e proximo 3 aña, entrante 1 di september 2020. Cu esaki ta confirma e noticia di e portal aki 2 siman y mei pasa. E momento ey minister Bikker no kier a desmenti ni confirma e noticia. Mr. Bote ter Steege actualmente ta Hoofdofficier van Justitie na hermana isla Boneiro y tabata tin un carera amplio den Cuerpo Policial di Hulanda prome cu ela cuminsa traha na Ministerio Publico. Gobierno y Minister di Husticia mr. Andin Bikker ta yama bon bini na mr. Bote ter Steege cu su nombracion como e proximo Procurador General di Aruba, y ta gradici mr. Frans van Deutekom pa dirigi nos Ministerio Publico como Procurador General suplente durante e periodo di transicion desde e ultimo Procurador General.

  • Homber sentencia na 5 aña di prizon pa a viola dos menor di edad

    Homber sentencia na 5 aña di prizon pa a viola dos menor di edad

    ORANJESTAD – Corte a sentencia e homber J. Trimon na un castigo incondicional di prizon di 5 aña diabierna mainta. Corte a haya proba, cu e sospechoso durante dos aña a viola dos damita menor di edad, famia di su pareha, sexualmente. Asina huez a dicta den su veredicto. Bou di e pretexto di yuda nan cu tarea di scol, e la aparta nan den un camber separa, y a mishi cu nan di un forma no apropia, unda cu por papia di penetracion sexual. Huez a haya e declaracion di e damitanan creibel y confiabel. Ta considera hopi malo cu e sospechoso a abusa di su posicion y posiblemente causa posibel daño serio na nan desaroyo.  Den cuadro di esaki el a impone un castigo incondicional di 5 aña di prizon y mester paga e mamanan daño y perhuicio di 5 mil florin.  E caso a keda trata algun tempo atras, pa un huez di Corsou, ya cu e sospechoso ta relaciona cu famia di un huez na Aruba. 

  • Powered by SETAR