Proximo 48 hora crucial pa 2 otro ocupante di auto accidenta dialuna marduga

ORANJESTAD – Dos di e otro ocupante den e auto cu tabata envolvi den e accidente fatal di dialuna marduga ta sigui den seccion di cuido intensivo di Horacio Oduber hospital, stabil pero cu e proximo 48 ora lo ta crucial pa por bisa algo mas di nan estado. Esaki NoticiaCla.com a haya confirma for di fuente yega na e famia dialuna anochi. Un di nan ta ruman di e hoben Griffith cu a fayece, y e otro ta inicial KdC. NoticiaCla.com a compronde cu nan a ricibi hopi sla na curpa a consecuencia di e accidente aki. Tambe por bisa cu tabatin hopi familiar na hospital dialuna anochi pendiente di nan familiar.  Mientrastanto minister di husticia Arthur Dowers durante su conferencia di prensa a mustra cu pe, e morto di e otro dos hobenan a afecte personalmente mirando cu ta trata di yiu di amigo di dje. E mandatario a manda palabranan di consuelo y convivencia pa  famianan di Jonathan Griffith y Raymond Feliz, kendenan a fayece den un accidente di auto dialuna den oranan di madruga.