Brouwerij Balashi orguyosamente ta presenta 'B Sixty 2' Limited Brew

Posted on 09/6/2019 8:33 am AST | Updated on 09/6/2019 8:35 am AST

(ADVERTORIAL)

ORANJESTAD - Den cuadro cu celebracion di cerbes Balashi su 20 aña di existencia, Aruba su prome Brew Master, Eugene Flanegin, a traha un tremendo producto local cu nos tur por ta orguyoso di dje cla pa subi mercado.

B Sixty 2 ta un creacion di Aruba su prome Brew Master, Eugene Flanegin. E ciencia tras di traha cerbes sigur no ta uno facil y ta rekeri conocemento y experticio halto. Cu sosten di Brouwerij Nacional Balashi, Eugene a embarca den un training intensivo pa bira un Brew Master na Alemania, na unda cu el a siña for di A te cu Z tur loke bo mester sa pa traha cerbes.  B Sixty 2 ta un cerbes estilo Lager, cu un bunita color di Amber, consistiendo di 5.0% ALC/VOL.  E sabor di e cerbes ta uno suave, cual tin un sabor y aroma dushi na final. Un cerbes cu lo cay na agrado di un y tur.

Inspiracion tras B Sixty 2

Manera e prome Brew Master riba nos isla, Eugene a haya e honor di traha su prome cerbes inspira por medio di e exito y sosten cu el a semper ricibi for di Brouwerij Nacional Balashi.

E letter B den e nomber ta representa Balashi, anto e Sixty 2 (62) ta e adres di e compania.

Aruba henter por spera B Sixty 2 e fin di siman aki riba mercado y lo ta pa un tempo limita, pasobra segun Eugene, e intencion ta pa awor sigui traha mas cerbesnan limita pa Aruba.

"Manera custumber, Aruba por spera un otro cerbes di calidad riba mercado. Den otro palabra, un cerbes cu ora bo beb'e, bo ta haya gana di bebe uno mas anto esey nos ta yama Drinkability beer", Eugene ta expresa. 

Eugene kier a gradici Dios tata pa e bida y salud pa e por a logra tur esaki, su famia henter cu a apoya su persona te na final, sin laga afo un danki grandi na gerencia di Brouwerij Nacional Balashi y tur empleadonan, manera tambe na Metacorp pa e sosten grandi. Eugene ta bisa cu bo futuro ta den bo man. "Nunca bisa cu ta laat pa siña, pasobra ami a pasa den hopi cos duro den mi bida pero mi nunca a perde speransa. Un conseho na nos hendenan cu pa bo logra manera ami bo mester tin disciplina, y bo mester tin gana den logra den bo profesion y den bida", Eugene ta comenta.  

Balashi 62 'Limited Brew' a wordo produci cu un cantidad limita pa un tempo limita y lo ta obtenibel na establecimentonan selecta.

 

  • Bossi Volunteers Group a colecta donacion pa famianan den necesidad

    Bossi Volunteers Group a colecta donacion pa famianan den necesidad

    ORANJESTAD - Awe Bossi Volunteers Group a colecta donacion na mas di 100 adres cu a registra pa haci esaki. Tur esaki den cuadro di e coronavirus COVID -19 crisis. Jean Marc Antersijn, na cabez di e grupo aki  a reat Aruba pa yuda cu algo y esaki a produci cu mas di 100 famia a haci donacion awe y mayan ainda falta un cantidad pa trece. Tur cos ta wordu desinfecta manera nan yega y   despues nan lo bay wordo entrega na un cantidad di famia den necesidad cu a registra cu mester di ayudo.  

  • E pelicula localmente produci Huicio Perfecto tabatin su premiere ayera!

    E pelicula localmente produci Huicio Perfecto tabatin su premiere ayera!

    SAN NICOLAS – Despues di hopi anticipacion, diahuebs anochi a tuma lugar e premiere di e pelicula Huicio Perfecto na The Movies @ Principal na San Nicolas. E elenco completo tabata presente y tabatin e presentacion di ‘red carpet’ unda cu nan tur a yega den auto di Toyota Rush, pa asina haci nan entrada di un forma special. Tabatin 3 sala completamente yen caba pa e estreno na Principal, mientras cu e otro teater na Oranjestad lo cuminsa pasa e pelicula diabierna. 

  • Daddy Yankee lo tembla The Harbour Arena cu un espectaculo grandi

    Daddy Yankee lo tembla The Harbour Arena cu un espectaculo grandi

    (ADVERTORIAL)

  • Tyson Croes ta cla pa presenta ‘Comedy Take Over’

    Tyson Croes ta cla pa presenta ‘Comedy Take Over’

    ORANJESTAD - Tyson Croes ta conoci den e mundo di comedia y awo e ta trahando riba un produccion grandi di "Comedy Take Over". Esaki ta riba un nivel internacional den comedia y e "Comedy Take Over" lo tuma luga dia 6 di Juni den China Club. E produccion ta uno grandi entre Aruba y Corsou.

  • Diahuebs awor ta estrena pelicula di Aruba ‘Huicio Perfecto’

    Diahuebs awor ta estrena pelicula di Aruba ‘Huicio Perfecto’

    ORANJESTAD - Despues di añanan di preparacion, filmacion, grabacion y edicion, awor ta asina leu cu diahuebs awor dia 5 di maart 2020 lo tuma luga e “premiere” di e pelicula “Huicio Perfecto” na The Movies @ Principal na San Nicolas. Su siguiente dia e lo pasa tambe na The Movies @ Renaissance Marketplace. E pelicula, cu a cuminsa ensaya na 2017, a graba na aña 2018 y a keda cla di edit aña pasa, awo ta subi pantaya grandi na The Movies.

  • Kiwanis club of Aruba cu donacion na fundacion encarga cu cuminda pa mucha

    Kiwanis club of Aruba cu donacion na fundacion encarga cu cuminda pa mucha

    ORANJESTAD -  Diaranson ultimo durante e reunion general di Kiwanis Club of Aruba, Presidente di Kiwanis Club of Aruba, Edalitza Weller y “Distinguished  Lieutenant Governor” di Division 26, Sr. Giantonio Muller, a haci entrega oficial di e  donacion di AWG 19,500 na Sra. Rachel Roos di Fundacion “Ban Uni Man Pa Cria Nos Muchanan”. Cu e donacion lo contribui na duna desayuno na 780 mucha pa 1 luna of 65 mucha pa 1aña.

  • Powered by SETAR