Homber herida cu varios tiro na Semeleerstraat awe marduga

ORANJESTAD - Awe diabierna madruga pa mas o menos 12:30 Central di Polis ta haya notificacion, cu probablemente lo a tira un homber na un cas situa na Semeleerstraat na Noord. Por a compronde cu e personanan na e sitio lo a hiba e victima hospital di biaha.

Na yegada di polis na e sitio di e sucedido a bin encontra cu e hulsnan. A pone departamento di recherche na altura y tambe polis tecnico.

Na e sitio e recherchenan a cuminsa cu nan investigacion, pa por saca afo kico exactamente lo por a pasa. Loke ta e situacion di e victima por a compronde cu e lo a haya tiro na diferente parti di su curpa . Dokter a opera e victima cu urgenencia y awo e victima ta den cuido intensivo. Departamento di recherche ta investigando e caso y te ainda no tin niun detencion. Cuerpo policial ta haci un apelacion na e pueblo di Aruba un biaha mas, cu esun cu sa algo of por a wak algo yama tiplijn di polis 11141 . Bo anonimidad ta garantisa.