Corte a prohibi compania pa amplia cantidad di camber basa riba moratorium

ORANJESTAD – Corte a rechasa demanda di e compania Prime View Eagle Beach Resort diaranson. Esaki ta encera entre otro cu e compania no ta permiti pa amplia camber di hotel y of bin cu un boutique hotel na Eagle beach y tampoco ta haya derecho pa haya opcion di tereno extendi. Asina huez a dicta den sentencia diaranson ultimo. E hecho cu den pasado (2011) minister e tempo ey tabata positivo pa cu e proyecto, no ta suficiente motibo pa duna nan razon. Corte a motiva cu Prime no a motiva nan preocupacionan suficientemente. Entre nan prolongacion di opcion riba tereno, y e permiso pa por construi un boutique hotel acerca di loke tin caba, esta Manor Beach Resort. Gobierno su argumento cu Prime no a cumpli cu e rekisitonan, a keda proba segun corte. Ademas e tipo di expansion cu Prime kier bin cu ne, no ta conforme e maneho di moratorium. Aki tambe e argumentonan contra, no tabata suficiente pa convence corte otro. Como tal huez a dicidi di rechasa e demanda di Prime y nenga nan e peticion pidi. 

REACCION MINISTER

Segun minister di infrastructura Otmar Oduber, reaccionando riba e sentencia riba Facebook, e mandatario ta considera e sentencia un resultado di e moratorio anuncia na December ultimo. “Prime View ta keda nenga pa ampliacioon di cambernan di hotel a base di e asina yama ‘voorbereidings besluit’ anuncia pa e minister di infrastructura”, Oduber a sigui bisa. Lesa e sentencia AKI.