Asistencia sin cita DIMAS pa permiso estadia temporal na Enseñansa pa Empleo ta sigui

ORANJESTAD - Asistencia sin cita DIMAS pa permiso estadia temporal na Enseñansa pa Empleo ta sigui. DIMAS kier informa tur clientenan cu no a lesa comunicado anterior di DIMAS, cu servicio ta ser brinda na Enseñansa pa Empleo, es nan cu pa cualkier motibo no por a haci entrega, es nan cu no tin cita y cu no a haya cita den luna di Dec. pa entrega di nan permiso di estadia temporal y nan permiso a vence caba – por acudi na nos localidad temporal na Enseñansa pa Empleo (Engelandstraat 33, situa dilanti Romar Trading) pa haci entrega di nan peticion di permiso di estadia temporal.

DIMAS ta recorda tur su clientenan pa percura cu pagonan ta haci, cu copia di nan documentonan necesario pa nan peticion ta haci prome cu entrega hunto cu copia di nan ultimo permiso vigente y tur otro rekisitonan riba lista di e permiso cu bo ta aplicando pe.

DIMAS ta pidi tur su clientenan pa tin comprension pa e situacion aki. Tene bon cuenta cu e cambionan aki riba menciona. DIMAS ta pidi alaves su disculpa pa cualkier inconveniencia cu esaki lo por trece cune.