Aeropuerto: Mashin pa paga pa parkeer no ta tuma placa nobo di Aruba ainda

ORANJESTAD – Aeropuerto di Aruba a confirma diaranson cu en berdad nan mashinnan di paga ticket di parkeo tin problema. Despues cu un periodo caba e pasaheronan na aeropuerto tabata confronta problema cu e placa di papel nobo otorga recientemente, aeropuerto a informa riba nan pagina di Facebook, cu e mashinnan di placa no ta tuma e placa nobo di Aruba. “E bishitantenan di aeropuerto ta wordo conseha pa uza placa di papel di dollar Mericano of moneda di Aruba pa paga nan parkeo” e aviso ta bisa. “Nos mashinnan di paga parkeo no ta acepta e placa di papel nobo di Aruba ainda. Asina cu e asunto aki ta coregi, nos lo informa esaki,” e mensahe ta finalisa bisando.