E trahadonan na Corsou di Ontvanger, Inspeccion y BAB den incertidumbre despues di candela

Posted on 09/4/2019 10:49 am AST | Updated on 09/4/2019 10:56 am AST

WILLEMSTAD- E trahadonan di Ontvanger, Inspeccion y BAB ta den incertidumbre, despues di e candela intencional na kantoor di Ontvanger. Esaki ta loke a resalta ayera den reunion informativo cu sindicato ABVO a tene cu e trahadonan.

Den declaracion pa EXTRA, sr. Marlon Manuela cu a guia e reunion cu e trahadonan ayera mainta na ABVO a bisa cu tabatin alrededor di 200 empleado, casi tur trahado tabata ey.

E puntonan di agenda tabata situacion, despues cu Ontvanger a kima, reorganisacion y tambe a trata e punto di agresion cu tabatin den fin di siman cu un trahado di BAB.

Sr. Manuela a declara cu nan a duna informacion na trahadonan di e reunion cu ABVO tabatin cu gobierno dia 27 augustus ultimo.

Loke a bin hopi fuerte dilanti cu e trahadonan ta den incertidumbre for di despues dje candela, pasobra nan no ta hayando informacion di gobierno, no sa kico tin di haci, nan kier continuacion di servicio. E trahadonan, algun ta na cas, no ta tende nada, mientras aki aya a reparti e trahadonan pa por duna servicio.

Pero e trahadonan ta corda cu mester saca grondbelasting, e notarionan tin di atende esaki y tur otro trabou, tur cos ta kedando keto. Niun hende ta informa e trahadonan si ta kedando cla cu un edificio si of no.

Di otro banda e trahadonan ta bisa, cu cualkier luga cu gobierno kier bin cu ne, nan kier envolvimento di ABVO den esaki pa “screen” e luga pa e ta bon. E trahadonan di nan banda tambe ta buscando luga.

Pa loke a trata reorganisacion, gobierno ta reorganisando henter seccion di belasting, caminda servicio di Ontvanger, Inspeccion y BAB, ta bay bou di un dak.

“E plan ey tabat’ey hopi aña caba y tabata wanta y awor si ta canando pa finalisa. Door di situacion di candela, e cosnan a wanta. Pero nos ta spera cu e siman aki, e documento di reorganisacion ta yega ABVO y pa keda cla”, Manuela a bisa.

E palabracion tabata cu un dado momento cu ABVO tin di bay gobierno pa trece inkietud y recomendacion di e trahadonan pa gobierno. Lo pidi gobierno pa busca manera pa papia cu e trahadonan y ABVO su sede ta habri. Hopi trahado ta na cas sinta, sin sa kico pa haci.

Por ultimo a papia cu e trahadonan riba e situacion cu a agredi un ambtenaar, pasobra e lo a cera un negoshi. No por sali bisa cu esaki of esaya ta e solucion. Nunca prome a conoce un situacion cu ta busca luga pa kima, cu ta agredi ambtenaar. Polis a detene a agresor mesora, pero mester ta alerta y e trahadonan kier pa gobierno informa nan di un ke otro.

 

 

  • Corsou tambe ta introduci ‘Shelter in Place’ entrante dialuna

    Corsou tambe ta introduci ‘Shelter in Place’ entrante dialuna

    WILLEMSTAD – Gobierno di Corsou tambe a introduci ‘Shelter in place’ entrante dialuna mainta 6’or y ta vigente pa por lo menos 2 siman. Asina prome minister di Corsou Eugene Rhuggenaath a anuncia diadomingo atardi den un conferencia di prensa extraordinario. Tur e reglanan manera esun na Aruba ta vigente ora cu e medida nobo drenta na vigor. Na Aruba, e regla aki a drenta na vigor diadomingo mei anochi 12’or y ta vigente pa 2 siman tambe. 

  • Corsou tambe a impone Toque de Queda entrante diasabra anochi

    Corsou tambe a impone Toque de Queda entrante diasabra anochi

    WILLEMSTAD – Gobierno di Corsou diasabra a dicidi di impone un Toque de Queda mescos cu Aruba a haci, cu ta inicia diasabra anochi (awe) for di 9’or di anochi pa 6’or di mainta. E situacion na Corsou sinembargo ta diferente cu esun di Aruba, unda cu tin cu tin hopi menos caso positivo di coronavirus, (9) compara cu Aruba, (46). Un posibilidad ta cu Aruba ta haciendo mas test cu na Corsou, debi na e criteria, cu ta pone cu automaticamente Aruba su cantidad di casonan positivo por subi. 

  • Corsou a conoce un caso mas positivo di coronavirus

    Corsou a conoce un caso mas positivo di coronavirus

    WILLEMSTAD – Corsou a conoce otro caso positivo di coronavirus diahuebs, aumentando e caso total na 7. Dos persona a recupera caba y 1 a fayece. Pues ta laga 4 actualmente (incluyendo esun nobo) den tratamento.  

  • Corsou a conoce su di 6 caso confirma di coronavirus

    Corsou a conoce su di 6 caso confirma di coronavirus

    WILLEMSTAD – Corsou a conoce su di 6 caso confirma di coronavirus. Tur caso te awor, ainda ta importa, y no tin transmision local ainda. E isla tin 1 cu a fayece, 2 cu a recupera  3 activo cu ta den isolacion na cas. 

  • Banco Central di Corsou y St Maarten kier ayudo financiero di Hulanda

    Banco Central di Corsou y St Maarten kier ayudo financiero di Hulanda

    WILLEMSTAD – Banco Central di Corsou y St Maarten kier un pakete di sosten pa asisti e islanan relaciona cu e coronavirus. Ambos pais no ta dispone di instrumentonan y medionan pa acapara e crisis. Nan ta bou di supervision financiero y no tin posibilidad pa nan mes fia placa pa acapara e crisis financiero di e coronacrisis. Escases como tal ta inevitable segun e banco. Corsou y St Maarten a haci un apelacion riba e statuut di Reino, e ley mas halto di Reino unda cu Hulanda y e islanan a palabra di duna otro sosten ora cu pidi pe. Ayera tabatin e asina yama vierlandenoverleg entre Aruba, Corsou, St Maarten y Hulanda riba e coronavirus.  

  • Corsou tin su prome morto di coronavirus

    Corsou tin su prome morto di coronavirus

    ORANJESTAD - Corsou diaranson a conoce su prome morto a consecuencia di coronavirus. Ta trata di e prome victima cu a keda contagia y anuncia diabierna ultimo. E homber ta procente di Noort Brabant y tabatin 68 aña. Su situacion a empeora diadomingo mainta pa cual a interne na CMC hospital. Su casa tambe ta infecta y ta permanece den isolacion. Noticia den proceso. 

  • Powered by SETAR