Premier Britanico ta perde voto crucial den Parlamento

LONDON - Parlamento Britanico a duna Premier Johnson un derota diamars. Den un debate urgente riba Brexit, mayoria a vota pa cambia e agenda politico di diaranson. Un total di 328 a vota contra 301. E contrincantenan di un Brexit sin deal, por entrega un concepto di ley awor cu Johnson no ta di acuerdo cu ne. Den e ley, e premier ta forza pa pidi Brusela, pa pospone e fecha di Brexit cu 3 luna, a lo menos cu logra cera un deal den e proximo simannan. Johnson a bisa cu un tipo di deal asina lo ta desastroso pa e posicion di negociacion Britanico. E kier sali di Union Europeo con cu ta riba 31 di october proximo. Prensa Britanico ta tene cuenta cu si e ley pasa, cu Johnson lo pidi eleccion. Su gobierno a perde mayoria awe den Parlamento door cu e parlamentario conservativo, Phillip Lee, a pasa pa e partido di Democrata Liberal.