Mariah Carey a causa furor na Corsou cu su bishita cerca e dolfijnnan

WILLEMSTAD – Mientras cu tin un division entre esunnan cu a bay wak Mariah Carey na Corsou diasabra y cu ta debati pakico of no, e no a canta su exito di Pasco, e artista mes a pasa hopi bon na Corsou. Y e no a ria pa comparti esaki cu mundo. “Mariah Carey a bay landa cu dolfijn na Corsou durante weekend” un portal popular a publica. Segun e raportahe, por a mira video y potret di Carey den lama na e Dolphin Academy, ora cu e dolfijn ta sunchi e artista grandi. 

Banda di Carey, mas artista cu tabata di bishita pa Jazz a comparti nan momentonan. Entre nan e artista principal di Maroon 5, Adam Levine cu e mainta di su presentacion, tabata saca potret di yuwana dilanti di su camber di hotel. No ta inusual cu e artistanan ta elogia e isla y nan actividadnan extracuriculo durante nan estadia. E ta un propaganda sigur pa e isla y un confirmacion cu e artista a pasa bon. Durante e concierto mes, hopi a keda contento cu e presentacion ‘a la diva’ di e artista, mientras cu otro a keda desapunta pa e hecho cu e no a canta: “All I want for Christmas is you”.