DOW a ‘sloop’ un pier cu ta ilegalmente traha na Mangel Halto

ORANJESTAD – DOW mester a ‘sloop’ un pier na Mangel Halto, debi cu e tabata traha di un forma ‘ilegal’. Dialuna DOW a splica mas riba e proceso di construccion ilegal. Den cuadro di esaki, a haya un pier traha na Pos Chikito (Mangel Halto) cu tabata ilegal, unda cu a corta hopi mangrove y a uza un tereno di gobierno. “A manda varios carta na e habitantenan di e bisindario, pa asina remove e pier, DOW ni DIP no a haya niun reaccion di e habitantenan y ayera nos mester a ‘sloop’ e pier completo”.

CONSTRUCCION ILEGAL

Segun DOW, construccion ilegal ta interpreta como:

1. Haci un construccion sin permiso (sin bouwvergunning)

2. Haya un tereno cu ta destina pa traha un vivienda y ta traha un edificio comercial (sin permiso)

3. Uza e terenonan di gobierno ilegalmente.

Mangrove ta un flora protegi pa ley di Landsbesluit Bescherming Inheemse Flora & Fauna. Por ultimo DOW a menciona, cu e pier akinan ta den un area conserva, esta den nos ROP. 

E ta un ‘natuurgebied’ y si e ta den ‘natuurgebied’ no mag di construi nada.