Un otro aña exitoso di Placa Chikito: ‘Axel y su Pork’i Spaar’!

ORANJESTAD - Pa di dos aña consecutivo e proyecto di Kiwanis Club of Young Professionals Aruba (KYPA) ‘Placa Chikito: Axel y su Pork’i Spaar’ a tuma lugar. Durante cuater atardi di storia a presenta e buki ‘Axel y Su Pork’i Spaar’ na e muchanan durante nan vakantie escolar 2019. KYPA cu tin como obhetivo pa duna bek na e comunidad di Aruba y specialmente e muchanan a percura pa e aña aki un biaha mas e proyecto aki ta presenta y ehecuta. 

Un proyecto cu a cuminsa algun aña atras den un concepto completamente diferente a ahust’e na 2018, unda a skirbi y produci un buki completamente na Papiamento. E meta di e buki ta, pa conscientisa y informa e muchanan hopi mas tocante e topico financiero. Specialmente riba e tema di spaar, gasta y duna bek na comunidad. Pa aña 2019 a presenta e proyecto aki un biaha mas durante cuater diasabra atardi na Santa Cruz, Noord, Playa, y San Nicolas. Durante e atardinan aki a dramatisa y presenta e buki door di señora Martica Lugay y tambe señor Richard Dabian. KYPA sigur ta orguyoso unabes mas pa presenta e proyecto aki y pa wak e reaccion positivo di e tantisimo mayornan, cu a inscribi e yiunan pa participa. 

KYPA ta sumamente contento di por a aporta na e educacion di cada un di e muchanan cu a participa na e atardinan cu a presenta e proyecto. Asina aki tambe caba un di e muchanan aki tin mas conocemento riba e parti financiero y tambe pa e muchanan por ta mas consciente cu uzo di placq . Spaar un tiki mas y tambe por duna bek na comunidad.