Identidad di victimanan di trafico marduga ta conoci

SAVANETA – Nomber di e dos victimanan di trafico di dialuna marduga ta conoci. Vocero di polis, Lilian Rasmijn, a confirma na NoticiaCla.com dialuna mainta cu Jonathan Griffith (17) y Raymond R. Rozalina Feliz (19) ta e dos hobenan cu a perde nan bida den e accidente di trafico na altura di Savaneta. Manera cu NoticiaCla.com a raporta anteriormente, e accidente fatal dialuna marduga a laga un saldo di 2 morto y 2 herido serio atras. E accidente a ocuri ora cu un chauffeur di un auto marca nissan skyine a dal patras di un takelwagen cu tabata tou un auto riba un flatbom. E velocidad cu cual e auto tabata bin tabata asina duro cu a causa cu e auto (pa motibonan desconoci) a bin dal den e takelwagen. E impacto a saca un ocupante for di e auto y bende mortalmente riba caminda. Un otro victima den e auto tambe a fayece na e sitio mes.  E chauffeur, su ruman, a keda den estado critico. Otro ocupante tambe a keda transporta cu urgencia pa hospital. E caso ta bou di investigacion.  Paz na resto di e fayecidonan.