Chauffeur bebi ta dal otro auto pafo di Domino's Pizza Savaneta

SAVANETA - Un testigo diadomingo anochi sinta den su auto a mira un Supra blanco ta biniendo basta duro for di Kazerne y ta blo keda race motor. E chauffeur a bay haci un maniobra pa buta show y a subi e caminda principal, pero pasa over di e acera, cu tin dilanti Domino’s Pizza y bay dal den un auto staciona. Net un rato prome e parkeer plaats di Domino’s Pizza tabata yen di auto cu hende, pero Dios gracia cu tur hende a bandona e sitio, sino tabatin un desgracia. Na e sitio polis a detene e chauffeur, debi cu el a faya tur e tres testnan di alcohol y a confisca e auto.