Si minister no tuma decision conforme sentencia, corte lo impone multa

Si minister no tuma decision conforme sentencia, corte lo impone multa

Posted on 09/2/2019 11:16 am AST | Updated on 09/2/2019 11:21 am AST

ORANJESTAD – Si dentro di tres luna, minister no tuma un decision riba un peticion haci pa un compania pa un consesion, e por costa pais Aruba hopi placa. Despues di varios intento, ainda gobierno di Aruba a haya un otro sentencia den su contra, pa loke ta tumamento di decision pa un proyecto di telecomunicacion. Despues cu un otro compania recientemente tambe a trata nan caso den corte pa algo similar, awor ta trata uno otro ‘bieu’, cu tambe a pidi huez ordena gobierno (lesa: minister di Telecomunicacion) pa tuma un decision. Den e caso aki ta trata e compania comercialmente yama Digicel Aruba, cu a pidi pa concede dos concesion adicional, pero cu minister no kier contesta. 

E CASO

Pa e compania, a haci e peticion na mei di 2016 pa dos concesion adicional, di cual uno tabata pa opera un network di fiber optics y e otro pa tin un cabel submarino, pa expande e capacidad di internet via broadband. Otro compania tambe a haci mesun peticion y aki tambe e minister ta nenga di tuma decision. Na 2016, e minister di Telecom no a tuma decision. Na 2017 corte a ordena e mandatario pa tuma un decision den tres luna di tempo. Pero ni asina e minister no a tuma decision. Na juni 2018 atrobe a pidi corte pa forza e minister pa tuma un decision. E biaha aki e diferencia ta, cu huez a impone un multa cuantioso, si despues di e tres lunanan aki no cumpli. Falta di decision por costa pais Aruba casi mey miyon total, pa falta di duna contesta. No ta conoci pakico gobierno no ta tumando un decision, ni esun anterior como esun actual. Lesa e sentencia AKI. 

 

  • Ministerio Publico a caba di saca cantidad grandi di cobranza

    Ministerio Publico a caba di saca cantidad grandi di cobranza

    ORANJESTAD - Ministerio Publico a saca siman pasa 6.000 carta di transaccion di boet.  E cartanan aki lo wordo entrega na cas otro siman of e siman siguiente pa mas tarda.  E ultimo dia pa paga e transaccion aki ta 16 di december 2019.  Kier meen cu Bo persona tin tempo te cu dialuna 16 di december venidero pa paga.  Despues di e fecha aki, Ministerio Publico lo hiba Bo persona dilanti Corte.  Paga tino cu e suma di boet cu wordo pidi dilanti Huez, ta regularmente cay mas halto cu e suma proponi awor den e transaccion. 

  • Corte a prohibi Gobierno pa desmantela parti di kiosk na Eagle Beach

    Corte a prohibi Gobierno pa desmantela parti di kiosk na Eagle Beach

    ORANJESTAD – Corte a prohibi Dienst Openbare Werken (DOW) y Directie Infrastructuur en Planning (DIP) pa desmantela parti di un kiosko na Eagle Beach, te ora cu tin un decision riba e keho (bezwaar) di e doño, esta Roque Wernet. Asina huez a dicta diaranson ultimo den un sentencia cu Noticiacla.com tin den su poder. E doño na augustus ultimo a haya orden pa desmantela parti extra di un kiosko, pasobra nan ta construi ilegalmente pues sin permiso di e dos instancianan menciona. E doño a bringa esaki y a bay para dilanti mesa berde. Cu e sentencia aki, DOW y DIP tin cu warda te ora corte trata e obhecion di e doño, prome cu por tuma e siguiente paso. 

  • OM a seponeer caso contra Espinoza di hortamento di ekipo di gobierno

    OM a seponeer caso contra Espinoza di hortamento di ekipo di gobierno

    ORANJESTAD – Ministerio publico a seponeer (cera) un di e dos caso cu (taba)tin contra periodista Marko Espinoza. Esun cu a keda seponeert ta data di december di 2017, ora cu el a keda deteni, acusa di a horta ekiponan electronico di gobierno di Aruba. Esaki a keda confirma pa vocero di OM, esta Ann Angela. Seponeer kier men pues cu no ta sigui mas cu e caso. E tempo ey, a detene Espinoza pa cual el a keda cera pa 6 dia largo. Hunto cu dos otro persona, Espinoza a keda deteni, aunke cu e otro dosnan apenas un dia despues caba a recobra nan libertad.  Manera cu NoticiaClaco.com a raporta e caso, esaki a haya hopi atencion mirando cu ta trata di personanan liga cu prensa. Mirando cu ta trata di personanan liga cu e gobierno anterior, opositornan a label e asunto como persecusion politico. E siman despues a habri cu prome minister Evelyn Wever pidiendo pa cualkier persona cu (taba)tin equipo na nan cas, cu por ta di gobierno, pa trece esaki bek. Mesun dia a trece ekiponan bek cu a pone comentarionan circula cu si tin hende deteni pa e caso caba, pakico ta pidi otronan tambe entrega equipo. Keda pendiente pa mas informacion. 

  • OM: Investigacion den posibel hecho castigabel den otorgamento di tereno di gobierno

    OM:  Investigacion den posibel hecho castigabel den otorgamento di tereno di gobierno

    ORANJESTAD – Manera cu noticiacla.com a raporta caba, awe Landsrecherche conhuntamente cu huez-comisario y den cooperacion cu Cuerpo Policial di Aruba, a tene entrada hudicial na diferente lugar. Mientras cu den e comunicado di ministerio publico diaranson atardi nan no ta haci mencion di e identidad di e sospechosonan, noticiacla.com a confirma cu entre nan tin ex minister di gabinete Mike Eman I y II (Benny Sevinger), un coordinador di e gabinete ey (G. Werleman) y un comerciante liga na e partido (L. Arends). 

  • Ex minister sospecha di e.o. falsificacion, estafa y labamento di placa

    Ex minister sospecha di e.o. falsificacion, estafa y labamento di placa

    ORANJESTAD – Ex minister y actual parlamentario Benny Sevinger (AVP)  ta sigura cu e ta inocente di loke ta sospecha su persona di dje. Den un entrevista cu e portal 24ora.com diaranson mainta, e ex minister a confirma cu el a haya bishita di landsrecherche durante un entrada hudicial diaranson mainta tempran, y cu ta sospech’e di falsificacion di documento, estafa y labamento di placa. Fuera di Sevinger a bishita dos otro persona, entre nan Gaby W y Leoncita A. Ta trata di un caso cu a haya e nomber Avestruz. Ta trata di casonan di tereno durante e periodo cu e tabata minister di infrastructura. Segun e ex minister, e ta inocente di tur loke ta sospecha e ex minister di dje. “El que nada debe, nada teme’ ta loke el a bisa e portal awe mainta. Mientrastanto ministerio publico ta pendiente pa un comunicado official cu mas detayes riba e caso. 

  • Nancy Pelosi ta pidi oficialmente pa cuminsa jucio politico contra Donald Trump

    Nancy Pelosi ta pidi oficialmente pa cuminsa jucio politico contra Donald Trump

    WASHINGTON — Presidente di Parlamento Mericano Nancy Pelosi, cu pa varios luna a bringa intencion pa lansa un huicio politico contra presidente Mericano Donald Trump, diamars a haci un anuncio official pa e huicio politico aki. Esaki den cuadro di e hecho cu Trump a yama e presidente di Ukrain y pidie pa investiga candidato presidencial Joe Biden, e ex vice presidente di Merca. Esaki ta un acto contra constitucion segun Pelosi. Trump a admiti cu el a yama e presidente en cuestion pero cu e tabata un yamada perfecto y cu e intencion di e juicio politico ta pasobra su popularidad ta halto y cu nan (Democratanan) kier kibra esaki. 

  • Powered by SETAR