CNSJ: E shuttle busnan tabata pega pa motibo di trafico pisa!

WILLEMSTAD – Un grupo grandi di publico a yega logra tempran diahuebs anochi pa e prome anochi di concierto di Curacao North Sea Jazz. Pero un otro grupo grandi no. Y aki ta unda cu e fundacion responsabel pa e festival y e organisadornan a reacciona mesora pa splica y coregi e asuntol.  “ Lamentablemente previo na e concierto di apertura di Juan Luis Guerra a surgi un situacion, den cua e ‘shuttle’ busnan a keda pega den trafico entre e lugarnan di parkeer y WTC”. Asina e organisadornan y e fundacion cu ta responsabel pa e concierto, esta Mojo Concerts y Fundacion Bon Intenshon a bisa diabierna anochi. 

Aunke cu e reparticion di e busnan ta igual cu e añanan anterior, toch un parti grandi di e publico mester a warda mucho largo pa transporte pa WTC, loke nan ta lamenta profundamente. “Nos lo sigura cu e transporte pa e dianan cu ta sigui lo ta optimal y lo ta igual cu e añanan anterior” e organizadornan y e fundacion a laga sa. Awe e festival ta cuminsa mas tempran ainda (7pm) cu presentacion di e artista Pitbull. E potret di NoticiaCla.com ta mustra e publico grandi cu a presenta diahuebs anochi pa e parti di Juan Luis Guerra.