E ‘apertura’ di CNSJ 2019 tabata grandi cu Juan Luis Guerra

WILLEMSTAD – E por ta su di 4 biaha na Curacao North Sea Jazz, pero tanto e como su publico no tabatin problema cu esey. Cu el a subi tarima 15 minuut mas laat cu loke ta geschedule y cu tabata haci calor, tampoco a haci efecto. Juan Luis Guerra a deleita un y tur y den apenas 1 ora y 15 minuut, mester a duna tur hende un poco di tur cos. Entre nan un mix di su miho merengue- y bachatanan. NoticiaCla.com a nota presencia hasta di e artista local internacional Izaline Calister den publico, cu a pose pa NoticiaCla.com , Y pa finalisa su presentacion, tabatin e ‘billirubina’ cu a pone tur hende bira euforico. Algun a sinti falta di su ‘burbujas’, pero en grande, e publico enorme a gosa un sin fin di e di 4 presentacion di e artista Dominicano popular. “Ta mi di cuater biaha na Corsou. Y si nan bolbe invita mi, mi lo bolbe bin,” Juan Luis Guerra mes a sigura tur hende. E calor tambe a hala su atencion. “Ta haci hopi calor mes. Eh eh.. Caramba.. pero nos Latino gusta calor,” Juan Luis Guerra a bisa y a sigui canta asina mes.  Aymee Nuviola (conoci como e Celia Cruz di genero nobo) y Havana D’Primera no a defrauda tampoco. Diabierna NoticiaCla.com lo relata mas di nan tambe completo cu potret. Keda pendiente pa e cobertura total di e otro dos dianan di concierto, cu presentacion di entre otro Pitbull, Kenny G, Inner Circle, David Sandborn, Mariah Carey, Black Eyed Peas y Maroon 5.