Bishitantenan a disfruta di un Management Cocktail Party na Riu Palace Aruba

(ADVERTORIAL)

ORANJESTAD  Riu Palace Aruba a tene un “Management Cocktail Party” pa e bishitantenan. E fiesta aki tabata pa presenta e team di management na e bishitantenan, pero cu un toke special pa e turistanan.

Durante e introduccion di e managernan na e bishitantenan a haci esaki den un manera agradabel. Band’i pool bar e turistanan a reuni hunto cu e team dinamico di RiuLand, kendenan a introduci e managernan. E RiuLand team a prepara un momento di cocktail, unda cu e turistanan por a yuda traha sangria. Un turista femenino tabata test cada ingrediente di e  sangria, hayando sa kico tur a uza.

E bishitantenan a cera conoci cu e managernan di diferente departamento; Josue Santana Front Desk Manager; Gustavo Acuña Assistant Bar Manager; Indira Felix Assistant Housekeeping Manager; Jesus Jimenez Maintenance Manager; Valerio Rodriguez Chef; Juan Alberto Rosario Restaurant Manager; Yesika Villamizar Entertainment y Vernel Atijera Assistant General Manager; Sandra Ospina Carson Public Relations Manager y General Manager Maria Dominguez.

Despues di a conoce e managernan y haya sa con pa traha sangria, tur turista presente a disfruta di e dushi plato di paella. Tur presente a disfruta di e dushi sangria y a sigui disfruta di e actividadnan cu Riu Palace Aruba tin di ofrece na su bishitantenan.