Polis ta confirma cu tabatin atentado riba Ontvanger na Corsou

WILLEMSTAD - Polis ta haci un yamada na comunidad di Corsou, pa coopera cu e investigacion relaciona cu e candela na oficina di Impuesto na Regentesselaan y ta duna un recompenda di 5 mil florin pa e tip di oro.

Relaciona candela e candela cu cu a surgi na oficina di Impuesto na Regentesselaan den e marduga di diahuebs 22 di augustus ultimo, Polis hunto cu Ministerio Publico ta realisando investigacion, pa determina mas pronto posibel, e causa di e candela aki. Den cuadro di esaki, ta haci un suplica na comunidad pa coopera cu informacion den caso cu a nota un situacion sospechoso den e becindario ey. E entidadnan aki adhunto na e comunicado aki ta suministra e imagennan, pero tambe e informacionnan cu e team investigativo ta desea.

Y esakinan ta:

– Si tin ciudadano cu conoce e vehiculo aki;

– Si conoce e auto aki y por asoci’e cu dos of tres persona masculino;

– Si tin hende cu por a mira e vehiculo of e hombernan aki prome of despues di e candela na e oficina di servicio di impuesto.

Ministerio Publico ta duna un recompensa di 5 mil florin na e informacion cu por conduci na solucion di e caso aki.

Pa duna tip riba e caso aki, por yama e number anonimo di polis 108. Cuerpo Policial y Ministerio Publico ta conta riba yudansa di comunidad, pa por soluciona e caso aki tambe.