Faritah Luidens cu show pa celebra 50 aniversario di farandula

ORANJESTAD - Den un ambiente diferente den sala di Cas di Cultura, cu un demostracion di pelicula chistoso, Cas di Cultura hunto cu Faritah Luidens y JasonCR a anuncia e  di 50 aniversario den farandula di Faritah “Tica Bashabou” Luidens. E dama icono Arubano aki, personahe di television, canto y teatro a prepara un show spectacular cu su ekipo di actor local. E show lo representa un montaña Rusa di emocion di hari te yora y lo laga publico cu gana di wak mas!  

Cas di Cultura den su afan pa stimula teatro bek riba e tarimanan di Aruba, ta sumamente contento y orguyoso cu e colaboracion aki y ta spera cu e aprecio pa teatro crece mas y mas. Na mesa tabata Jason Croes, orguyoso yiu di Faritah, yudando cu tur aspecto di multi media, Luty Martinez ‘stage director’ di e show y Vicky Arens, directora di Cas di Cultura. Tur poniendo nan mihor pia dilanti, pa resalta un artista y obra Arubiano di calidad halto. 

E show ta pa tur hende di 16 aña p’ariba (!), y lo ta dia 22 di september y lo sigui cu tres show mas dia 3, 4 y 5 di october