Sindicato FTA a gana representacion di trahadonan di aeropuerto

ORANJESTAD – Sindicato di Trahadonan di Aruba FTA a gana representacion di e trahadonan di aeropuerto diamars. Esaki despues cu nan a gana representacion di mayoria di e trahadonan. Segun vice presidente, Hose Figaroa na Noticiacla.com, nan a haya 93 voto di e 104 cu a vota, y tabatin mester di 87 pa tin mayoria. Na tur, tin 172 trahado cu por a vota ,pero ta 104 a vota. Esaki ta pone cu segun Figaroa, entrante mesora, e sindicato aki ta bira e representante di e trahadonan. E sindicato STA cu tabata representa e trahadonan, a opta pa no participa na e referendum. No ta conoci pakico nan no kier a participa. Figaroa a bisa cu aworaki ta bay eligi e shopstewardnan representante y despues ta cuminsa sinta na mesa pa negosha un CAO.