Minister Croes a entrega e raportahe di SCP na presidente di CAFT

DEN HAAG – E presidente di Colegio di Supervision Financiero di Aruba (CAFT) a ricibi un raportahe di Sociaal Crisis Plan directamente for di man di e minister responsabel, Glenbert Croes, na Hulanda e siman aki. E mandatario ta na Hulanda pa un bishita di trabou y a haci e entrega. CAFT ta hopi critico riba e SCP, particularmente pa e parti di presupuesto y con esaki ta structura, cual ta un di e ‘struikelblokken’ cu SCP ta notando. Recientemente e mandatario a confirma pa NoticiaCla cu si CAFT haya su gana (y logra cu Aruba ta bay na ‘amen’ di e cambionan sugeri riba e.o. SCP), e SCP ta morto. E comunicado cu gobierno a manda, no ta indica con a atende e tema aki, pero si cu gobierno a gradici Gradus pa su tempo, pa por a ricibi e raportahe aki. Cu esaki, e mandatario kier a mustra transparencia y bon boluntad pa cu e colegio aki. Diabierna awor, Hulanda ta trata e cambio di ley di LAFt cu ta duna CAFT autorisacion haci su trabou.