Busca bo ticket pa Comedia “Realidad rond di Entiero”

(ADVERTORIAL)

ORANJESTAD - Ta un intercambio cultural e dianan 11,12,13 di september den Cas di Cultura na Aruba. Un comedia basa riba e realidadnan rond di entiero. “Realidad Rond di Entiero” ta skirbi pa Fabian Martina; unhoben artista, cu a traha varios aña na un funeraria. El a mira hopi cos pasa durante su trabou na e funeraria. El a analisa y pensa cu esaki ta algo cu por bira un tema pa su comedia. El a logra hinca esaki den otro. Cu experiencia di e Gran Comediante, Pachi Damon, el a logra pone e obra, miho den otro. E famianan ta bruha, ora cu un ser keri fayece. Esaki mes ta e tono cu lo presenta e comedia. E comedia ta practicamente real, presenta cu su caha di morto y un entiero completo, unda e famianan bruha ta topa otro. E yiunan di difunto di diferente mama ta sali for di tur skina. Algo cu abo no por perde. Hasta tin e mariachi di despedida durante entiero. No perde e obra aki. Busca bo ticket awe mes na CITGO Blvd y CITGO Esso Ville pa bo ta den e comedia na Cas di Cultura 8’or riba diaranson 11, diahuebs 12 y diabierna 13 di september.