Alcalde di Chicago rabia riba oficial di polis cu a bay Aruba cu vakantie

CHICAGO – Alcalde di Chicago, Lori Lightfoot, ta rabia riba e oficialnan di polis, pa a desobedece su ‘orden’. Entre nan, pasobra un di nan, e di dos encarga cu e departamento di polis, Anthony Riccio, a dicidi cu e ta bay Aruba cu vakantie. E alcalde a bisa tur, pa no tuma vakantie awor, debi cu e situacion di seguridad ta hopi precario. Sinembargo, e mes a dicidi di bay cu vakantie. Segun e polis, su vakantie tabata aproba for di 2018 y a paga p’e, prome cu e alcalde a bin na poder. Riccio a dicidi toch di hiba su famia pa un vakantie bon mereci. E alcalde a tende di e vakantie ‘no autorisa’ via prensa di Chicago.