Merca ta gana Corsou den final di Serie Mundial di Little League Baseball

Posted on 08/25/2019 8:24 pm AST | Updated on 08/25/2019 8:26 pm AST

WILLIAMSPORT – Despues di 10 dia, e Serie Mundial di Little League a termina, cu Merca (e ekipo di River Ridge Louisiana) ganando e titulo maximo diadomingo atardi cu score di 8-0, lagando e ekipo di Corsou na di 2 lugar. Un dia prome Corsou a sa di gana e titulo di International Little League Champions, ganando di Japon 5-4. Pero manera e structura real ta, Corsou mester a gana diadomingo di e representante di Merca, pa por a yama su mes campeon mundial. Pa Louisiana, esaki tabata nan prome titulo di Campeon Mundial di Little League, cu nan pitcher Egan Prather, cu no a permiti careda di Corsou. E ekipo di Merca a sali afor den di 5 inning cu 4 careda riba 4 hit. Corsou su unico momento real tabata den di 3 inning, ora cu nan a logra yena tur base, pero no a logra score careda. Prather a tira un wega completo. Pa loke ta Corsou, nan a demonstra cu nan tin talento y no a entrega durante henter e torneo. Mescos cu Louisiana, cu a perde na prome partido contra Hawaii, Corsou tambe a perde un partido (contra Sur Korea), pero a bounce bek y gana tur nan weganan siguiente y gana e titulo internacional diasabra. E unico otro wega cu nan a perde, tabata e final grandi. Di parti di gobierno di Corsou, Prome Minister a manda mensahe di sosten y pabien pa e ekipo y tambe e rednan social a keda inunda cu mensahe di felicitacion y sosten. Bunita tabata e sosten pa Corsou for di e otro islanan di Caribe Hulandes, cu a sigui Corsou manera ta nan mes tabata hungando. Pabien Corsou pa un bon trabou!

 

  • Gobierno a dicidi di pone Management Team na Ibisa

    Gobierno a dicidi di pone Management Team na Ibisa

    ORANJESTAD – Gobierno di Aruba a pone un management team na cabez di Ibisa, mientras cu e directora anterior Monique van Emden a tuma su retiro. Asina minister di deporte Dangui Oduber a anuncia riba su pagina di Facebook diabierna. E Management Team ta consisti di Sr Wolff, sr Erasmus y sr Goedhart.  Instituto Biba Saludabel y Activo, IBiSA, ta un departamento di gobierno cu a ser funda dia 1 di juni 2012. IBiSA a bin na lugar di IDEFRE (Instituto di Deporte, Educacion Fisico y Recreacion)

  • Aruba ta e promer pais den Caribe cu su propio academia di futbol

    Aruba ta e promer pais den Caribe cu su propio academia di futbol

    ORANJESTAD – Aruba ta e promer pais den Caribe cu su propio academia di futbol. Diahuebs atardi Minister di Deporte Sr. Dangui Oduber tabata presente na Compleho Deportivo Frans Figaroa pa e lansamento di e academia di nobo di AVB.  

  • Hoevertsz: Mucho tempran pa papia riba cancelacion Olimpiada 2020

    Hoevertsz: Mucho tempran pa papia riba cancelacion Olimpiada 2020

    ORANJESTAD – Ta mucho tempran pa papia riba posponemento di weganan olimpico cu tin cu tuma lugar na Japon na juli di e aña aki. Asina Nicole Hoevertsz, miembro di Comite Ehecutivo di Comite Olimpico Internacional (IOC) a bisa noticiacla.com diahuebs. Di otro banda, cierto portalnan di noticia ta papiando caba di scenario unda cu por pospone e weganan aki, pa motibo di coronavirus. “E situacion ta wordo monitoria hopi cuidadoso pa expertonan di World Health Organisation (WHO). Preparacionan pa e weganan ta continuando” Hoevertsz a sigui bisa. 

  • UEFA: Manchester City prohibi pa hunga den liga Europeo pa dos aña!

    UEFA: Manchester City  prohibi pa hunga den liga Europeo pa dos aña!

    MANCHESTER – E ekipo di fubbol professional britanico Manchester City a keda sanciona pa e organisacion UEFA y a keda prohibi pa participa den e proximo dos temporada di futbol Europeo. Esaki debi na violacion di e reglanan Financial Fair Play-regels. Ademas, e gigante den futbol britanico tin cu paga un boet di 30 miyon euro.  

  • Exitoso Aruba ABC Open Karate Championship

    Exitoso Aruba ABC Open Karate Championship

    ORANJESTAD - Recientemente Aruba Karate Bond a tene su exitoso prome campeonato di aña yama ‘Aruba ABC Open Karate Championship’. Despues di e bunita desfile di cada scol di karate di Aruba, igualmente cu e team di Boneiro y Corsow, a sigui cu e motivante speech di presidente ‘sensei’ Felix Tromp dirigi na publico presente. Como sorpresa a dedica e campeonato aki na ‘sensei’ William Millerson, presidente di Parlamento di Corsow y den mundo di karate conoci como instructor di Wado Karate, vice-presidente di e Federacion Mundial di Karate (1998-2014), vice-presidente di PKF (Panamerican Karate Federation) y actual vice-presidente di CKF (Caribbean Karate Federation). ‘Sensei’ William Millerson a fungi e ultimo añanan como e brug pa Aruba Karate Bond, kende hunto cu COA, a percura pa karate ta regresa den mundo di karate international. Su persona a ricibi e plakaat di reconocimiento for di man di señora Nicole Hoevertsz di Comite Olimpico Aruba. Despues a yama un pa un e seleccion. Juan David Velazquez, Janilaine Bello y Alejandro Gonzalez Lujan a ricibi un caluroso aplauso di e publico pa nan resultadonan exitoso den 2019. 

  • Kansas City Chiefs ta gana Super Bowl LIV

    Kansas City Chiefs ta gana Super Bowl LIV

    MIAMI – Despues di 50 aña, Kansas City Chiefs ta gana Super Bowl atrobe, edicion LIV (54). Cu e score di 31-20, nan ta logra victoria riba San Francisco 49ers na Miami cu ayudo di nan astro quarterback Patrick Mahomes. Un touchdown final y un goal a logra seya e victoria importante pa e ekipo. Super Bowl ta e wega mas grandi di futbol Mericano. Loke ta hopi interesante tambe ta e show den ‘halftime’,. E biaha aki tabata turno di Jennifer Lopez y Shakira pa uni y presenta e show.

  • Powered by SETAR