Sindicato STA ta cuestiona referendum pa otro sindicato na aeropuerto

Sindicato STA ta cuestiona referendum pa otro sindicato na aeropuerto

Posted on 08/25/2019 8:23 pm AST | Updated on 08/25/2019 8:24 pm AST

ORANJESTAD - Sindicato STA ta cuestiona referendum pa otro sindicato na aeropuerto. E directiva, segun un comunicado diadomingo, a bisa cu directiva di S.T.A. a tuma nota di un comunicado di e sindicato, cu a pidi referendum na AAA NV. Locual ta straña STA ta, con e abogado di e sindicato Figaroa ta bin dilanti, pa purba tira santo den wowo di hende cu yen di coy loco di Corsou. Locual Sr.Figaroa mester splica e empleadonan di AAA NV segun STA, ta cu ta su propio partner Sr. Sven Faarup, cu ta hinca den directiva di AAA NV, a firma pa ‘verleng’ e contract cu Guardian Group, pa locual ta e pensioen di e empleadonan y asina manda un puñal den custia di STA y tur e empleadonan. Importante ta p’e splica con esaki a bay y con su partner, a sabiendas di e deseo di e empleadonan di AAA NV, paso e tambe a wordo poni na haltura debidamente di e situacion via di e bureau di minister, toch e parter di Mr. Figaroa a claba e pober trahadornan un puñal. Segun STA, ningun empleado di aeropuerto kier pa ningun sindicato bin coba den nan bonus di fin di aña y ni bay paga dobbel mas contribucion pa haya nada. STA a entrega su concepto caba na gerencia di AAA NV y ta cla pa cuminsa negocia. “Si e sindicato di Sr. Figaroa no logra haya mayoria, e mester hala kita pa laga STA negocia, asina simpel e ta y e sa masha bon, of e ta kere cu su partner por bay manipula cu esaki tambe” e sindicato STA su comunicado ta bisa. “Ta tristo, pero berdad, cu un par di persona cu practicamente a comete fraude cu nan manipulacion di on call y raporta "call back", pa capricho kier bin cu un otro sindicato y bruha tera den porta di negociacion”.

SNOEPREISJE

Segun STA, Meneer "URKE" a bay haci 4 snoepreis riba custia di AAA NV y te awe no sa su trabao y paso AAA NV a para su fiesta, ta rabia y ta tira culpa riba STA y "Tientji pega schroef" cu tabata strika 320 florin pa traha 30 minuut, tambe su fiesta a caba. Directiva di STA un biaha mas ta haci un apelacion na tur e empleadonan di AAA NV, pa no bay vota. Ningun hende por obliga bo hacie of no hacie, ta bo ta dicidi...“ Nos concepto ta cla y tur esunnan cu kier wak e concepto, por wak e cerca cualkier delegado di STA trahando na AAA NV. Dia 28 di augustus 2019 e negociacion ta cuminsa y STA ta cla p’e reto un biaha mas y pa locual ta e pensioen STA ta bay hiba AAA NV corte.

  • Zulo
  • Powered by SETAR