Candela den area di Amazona na Brazil ta aumentando alarmantemente

AMAZONAS – E area di Amazona na Brazil ta experenciando e cantidadnan record di candela forestal. E aña aki tin casi 40.000 candela conta, mientras cu den henter Brazil esaki tabata 70 mil caba. Tin miedo cu e cantidad lo aumenta. Riba e rednan social tin un impresion di e cantidad y e hashtag #PrayForAmazonas ta andando den varios pais. Candela na Brazil no ta inusual, segun e conocedornan. Pero nan mes ta preocupa cu e cantidad. ‘Cos ta bayendo for di man’. Tur aña e zona di Amazona tin un periodo di candela. Esaki door cu ta e periodo mas calor. E periodo aki ta andando pa 3 siman caba. Ta papia di un aumento di 83% na cantidad di candela. Y mayoria di nan ta cendi pa hende mes. Hopi hende ta kima e areanan forestal, pa asina cuminsa cultiva soya y tene na carnenan. Problema ta, cu e ta daña e aire y calidad di bida eynan.