Gobernador: Pa tin exito cu desaroyo Pariba di brug mester uza modelo di desaroyo sostenibel

SAN NICOLAS – Si nos kier ta exitoso cu e desaroyo nobo di San Nicolas, miho conoci como Pariba di Brug, mester uza e modelo di desaroyo sostenibel. “Y nos lo sa si nos a hacie bon, si nunca mas nos haya un porta di cura di scol cera durante un dia normal di scol”, tabata e palabranan di Gobernador di Aruba, Su Excelencia Alfonso Boekhoudt, durante su presentacion na e Cumbre Comercial di San Nicolas Business Association (SNBA) diaranson mainta. Gobernador Boekhoudt a referi na e scol, debi cu segun su discurso, ora cu el a keda apunta como Gobernador y a bolbe Aruba, el a bishita su scol bieu na San Nicolas, pero pa su sorpresa, a haya esaki cera. Investigacion a mustra cu esaki tabata debi cu no tabatin suficiente mucha, no por a mantene e scol ey habri. Y cu un bon planificacion pues, esaki lo no tin cu sosode mas na Aruba. Lesa e discurso completo AKI.