Aruba ainda ta en busca di un PG nobo pa lidera Ministerio Publico

Aruba ainda ta en busca di un PG nobo pa lidera Ministerio Publico

Posted on 08/21/2019 11:23 am AST | Updated on 08/21/2019 11:24 am AST

ORANJESTAD – Casi 6 luna despues cu e Procurador General anterior, Alexander van Dam, a bandona e funcion, debi cu su contract a termina, Aruba ainda no a haya un reemplasante p’e. De hecho, e siman aki atrobe a aparece un aviso den corant, solicitando pa un persona pa e funcion aki. E aviso ta pidi pa mas tarda e solicitantenan manda nan informacion pa 11 di september di e aña aki, ya cu kier cuminsa cu e  combersacionnan pa 30 di september. Notabel ta, cu ta haci un peticion special pa esunnan cu ta solicita for di Hulanda, tin un lugar special, unda cu nan mester dirigi nan solicitud. Cu esey, ta mustra cu e interes ta hopi dirigi pa un Hulandes tuma e funcion. Na Aruba e unico PG local cu tabatin, ta sr. Wernet den feliz memoria. Actualmente Frans van Deutekom ta fungiendo como PG interino di Aruba. PG ta na cabes di Ministerio Publico y tin como hefe director, Minister di Husticia di Aruba. 

 

  • Otro siman Ministerio Publico lo sigui cu benta di varios boto

    Otro siman Ministerio Publico lo sigui cu benta di varios boto

    ORANJESTAD - Na cuminzamento di februari Ministerio Publico lo bay pa bende varios boto cu ta warda na marinierskazerne na Savaneta. Ta trata di botonan confisca pa Kustwacht. E botonan aki no mester wordo warda mas largo y por wordo bendi na esnan cu ofrece mas placa pa nan. Si Bo persona ta interesa, Bo persona por pone su nomber pa mas tarda diamars 4 di februari 2020 pa 4.00’or di atardi na Ministerio Publico via e adres di e-mail: [email protected] Bo persona por yama señora Angela tambe diabierna awor 31 di januari y diamars 4 di februari di 2.00 pa 4.00’or di atardi riba tel. 521-4135.

  • Ministerio Publico a caba di saca cantidad grandi di cobranza

    Ministerio Publico a caba di saca cantidad grandi di cobranza

    ORANJESTAD - Ministerio Publico a saca siman pasa 6.000 carta di transaccion di boet.  E cartanan aki lo wordo entrega na cas otro siman of e siman siguiente pa mas tarda.  E ultimo dia pa paga e transaccion aki ta 16 di december 2019.  Kier meen cu Bo persona tin tempo te cu dialuna 16 di december venidero pa paga.  Despues di e fecha aki, Ministerio Publico lo hiba Bo persona dilanti Corte.  Paga tino cu e suma di boet cu wordo pidi dilanti Huez, ta regularmente cay mas halto cu e suma proponi awor den e transaccion. 

  • Corte a prohibi Gobierno pa desmantela parti di kiosk na Eagle Beach

    Corte a prohibi Gobierno pa desmantela parti di kiosk na Eagle Beach

    ORANJESTAD – Corte a prohibi Dienst Openbare Werken (DOW) y Directie Infrastructuur en Planning (DIP) pa desmantela parti di un kiosko na Eagle Beach, te ora cu tin un decision riba e keho (bezwaar) di e doño, esta Roque Wernet. Asina huez a dicta diaranson ultimo den un sentencia cu Noticiacla.com tin den su poder. E doño na augustus ultimo a haya orden pa desmantela parti extra di un kiosko, pasobra nan ta construi ilegalmente pues sin permiso di e dos instancianan menciona. E doño a bringa esaki y a bay para dilanti mesa berde. Cu e sentencia aki, DOW y DIP tin cu warda te ora corte trata e obhecion di e doño, prome cu por tuma e siguiente paso. 

  • OM a seponeer caso contra Espinoza di hortamento di ekipo di gobierno

    OM a seponeer caso contra Espinoza di hortamento di ekipo di gobierno

    ORANJESTAD – Ministerio publico a seponeer (cera) un di e dos caso cu (taba)tin contra periodista Marko Espinoza. Esun cu a keda seponeert ta data di december di 2017, ora cu el a keda deteni, acusa di a horta ekiponan electronico di gobierno di Aruba. Esaki a keda confirma pa vocero di OM, esta Ann Angela. Seponeer kier men pues cu no ta sigui mas cu e caso. E tempo ey, a detene Espinoza pa cual el a keda cera pa 6 dia largo. Hunto cu dos otro persona, Espinoza a keda deteni, aunke cu e otro dosnan apenas un dia despues caba a recobra nan libertad.  Manera cu NoticiaClaco.com a raporta e caso, esaki a haya hopi atencion mirando cu ta trata di personanan liga cu prensa. Mirando cu ta trata di personanan liga cu e gobierno anterior, opositornan a label e asunto como persecusion politico. E siman despues a habri cu prome minister Evelyn Wever pidiendo pa cualkier persona cu (taba)tin equipo na nan cas, cu por ta di gobierno, pa trece esaki bek. Mesun dia a trece ekiponan bek cu a pone comentarionan circula cu si tin hende deteni pa e caso caba, pakico ta pidi otronan tambe entrega equipo. Keda pendiente pa mas informacion. 

  • OM: Investigacion den posibel hecho castigabel den otorgamento di tereno di gobierno

    OM:  Investigacion den posibel hecho castigabel den otorgamento di tereno di gobierno

    ORANJESTAD – Manera cu noticiacla.com a raporta caba, awe Landsrecherche conhuntamente cu huez-comisario y den cooperacion cu Cuerpo Policial di Aruba, a tene entrada hudicial na diferente lugar. Mientras cu den e comunicado di ministerio publico diaranson atardi nan no ta haci mencion di e identidad di e sospechosonan, noticiacla.com a confirma cu entre nan tin ex minister di gabinete Mike Eman I y II (Benny Sevinger), un coordinador di e gabinete ey (G. Werleman) y un comerciante liga na e partido (L. Arends). 

  • Ex minister sospecha di e.o. falsificacion, estafa y labamento di placa

    Ex minister sospecha di e.o. falsificacion, estafa y labamento di placa

    ORANJESTAD – Ex minister y actual parlamentario Benny Sevinger (AVP)  ta sigura cu e ta inocente di loke ta sospecha su persona di dje. Den un entrevista cu e portal 24ora.com diaranson mainta, e ex minister a confirma cu el a haya bishita di landsrecherche durante un entrada hudicial diaranson mainta tempran, y cu ta sospech’e di falsificacion di documento, estafa y labamento di placa. Fuera di Sevinger a bishita dos otro persona, entre nan Gaby W y Leoncita A. Ta trata di un caso cu a haya e nomber Avestruz. Ta trata di casonan di tereno durante e periodo cu e tabata minister di infrastructura. Segun e ex minister, e ta inocente di tur loke ta sospecha e ex minister di dje. “El que nada debe, nada teme’ ta loke el a bisa e portal awe mainta. Mientrastanto ministerio publico ta pendiente pa un comunicado official cu mas detayes riba e caso. 

  • Powered by SETAR