AHATA y ATA a tene sesion strategico tocante Turismo den Oranjestad

ORANJESTAD -  Aruba Hotel & Tourism Association (AHATA) conhuntamente cu Aruba Tourism Authorithy (A.T.A.) a organisa un sesion informativo pa e Miembronan Aliado di AHATA, cu tin tienda den Oranjestad. E ehecutivonan di A.T.A. a presenta infomacion valioso, entre otro; e statisticanan importante di industria di turismo, data di cuanto y riba kico turista ta gasta na nos isla, e diferencianan demografico cu ta afecta nivel di compra, y e cifranan di pasahero di crucero. Tambe a presenta e diferente iniciativanan pa desaroya loke Aruba tin di ofrece na su bishitantenan y con A.T.A. ta incorpora “shopping” den e mensahe di mercadeo.

E sesion informativo a ofrece un miho comprondemento na e comerciantenan di Oranjestad, cu ta miembro di AHATA, tocante e tipo di compras cu diferente categoria di turista ta haci. Consecuentemente, nan por adapta nan strategia na e conocemento. Ademas A.T.A. tabatin oportunidad pa ricibi feedback valioso di esunnan cu ta bende directamente na turista