Otro luna lo por cuminsa cobra proces verbaal riba number di auto

ORANJESTAD - Otro luna lo por cuminsa cobra proces verbaal riba number di auto. Por lo menos esey ta pensamento di minister di husticia Arthur Dowers. Diabierna merdia durante e consulta semanal pa loke ta trata seguridad na pais Aruba, di Dowers cu procurador general, a probecha di tene un consulta cu colega minister di finansas Angel Bermudez riba e asunto di parti process verbaal ( boet) tiba number di auto.

Na Aruba no ta e custumber pa parti boet riba number di auto te cu awor aki, pero ta e intencion cu bin cu cambio den esaki. Hacienda esaki por regula situacionnan cu ta bai malo pa loke ta trata parqueo di auto, mescos tambe otro violacionnan di ley cu ta stroba e funcionamento di trafico treciendo esaki den peliger . A traha un concepto pa un beschikking nobo, basa riba e reunion di diabierna mainta a intensifica esaki un tiki.

Ta spera cu ta otro siman por e concepto aki completamente cla pa por hiba e discussion necesario cu cuerpo policial y ministerio publico. Unabes esaki ta completa lo   anuncia na comunidad ki dia lo por cuminsa parti proces verbaal riba number di auto.