Gobierno di Corsou a ofrece 608 ambtenaar un areglo di retiro boluntario

Gobierno di Corsou a ofrece 608 ambtenaar un areglo di retiro boluntario

Posted on 08/21/2019 9:37 am AST | Updated on 08/21/2019 9:38 am AST

WILLEMSTAD - Un grupo di empleado publico di Corsou, cu kier baha cu retiro boluntario prome cu e edad di pensioen di 65 aña, recientemente a haya mas informacion tocante e areglo boluntario. Ta trata di un grupo di 608 ambtenaar cu a nace entre 1di januari 1957 y 31 december 1960, cu por scoge pa sali for di servicio pa mas tarda 31 di december 2020.

Luna pasa Minister, Armin Konket di Gobernacion, Planificacion y Servicio Publico, a splica e motibonan pa yega na e oferta. Ta trata di un grupo di ambtenaar, cu mester a baha cu pensioen algun aña pasa caba, pero pa motibo di cambio di ley di pensioen te ainda nan ta den servicio. Segun Konket hopi di nan a bisa cu no tin gana di traha mas. Konket a splica cu ‘den cuadro di halsa productividad di trabou pa e grupo specifico, nos a traha un pakete pa wak con nos por deal cu e buraco financiero, cu nan tin si nan stop di traha.’

Awor ta conoci cu gobierno lo compensa entrada di tur persona cu scoge pa tuma e areglo aki door di:

1. Duna un pago mensual ekivalente na e montante di AOV ta 65 aña.

2. Duna un compensacion mensual na rason di e prima di AOV/AWW, cu e ambtenaar ta paga te 65 aña.

3. Duna un compensacion mensual na rason di e prima di BVZ cu e ambtenaar ta paga te 65 aña.

4. Duna un biaha un suma pa compensa e posibel perdida di 6% di pensioen cu bo no ta acuma anual mas door di baha prome cu edad di 65 aña. Lo determina e suma pa medio di un “gliding scale”:

-1960 (60 aña te 61 aña) 60.000 Naf

-1959 (61 aña te 62 aña) 55.000 Naf

-1958 (62 aña te 63 aña) 50.000 Naf

-1957 (63 aña te 64 aña) 45.000 Naf

Ministerio ta splica cu e suma ta determina a base di 30 aña di servicio. Tambe ta bisa e ambtenaarnan, pa tene cuenta cu mester retene impuesto.

Presidente di sindicato ABVO, Adrie Williams, luna pasa a conseha tur ambtenaar cu a haya un oferta for di gobierno, pa un retiro boluntario ‘pa no firma, sin consulta cu bo sindicato’. E sindicatonan ABVO, STrAF, NAPB y SAP ta investiga e oferta, prome cu nan conseha nan miembronan deliberadamente. Cortesia Extra. 

 

 

  • Barco Wish Way a drenta haf di Corsou cu dos grua grandi

     Barco Wish Way a drenta haf di Corsou cu dos grua grandi

    WILLEMSTAD – E barco Wish Way a drenta haf di Corsou diadomingo mainta cu dos grua grandi pa CPS, e servicio portuario di e isla. Un publico basta grandi a ban den are a di haf pa e momento aki. Despues di 40 aña, a reemplasa e gruanan aki.

  • Polis a detene 15 hende durante Lighting Parade

    Polis a detene 15 hende durante Lighting Parade

    ORANJESTAD - Awe diasabra  anochi pa 20:00 SMAC conhuntamente cu Cuerpo Policial a  haci inicio di e Lighting Parade . E anochi aki tabata tin 10 grupo y mas o menos 2900 participante, y 150 polis riba pia.

  • No tin Curacao North Sea Jazz Festival e aña aki!

    No tin Curacao North Sea Jazz Festival e aña aki!

    WILLEMSTAD - Den mutuo konsulta Fundashon Bon Intenshon i MojoConcerts a disidí pa no organisá Curaçao North Sea Jazz Festival den 2020. E motibu p’esaki ta meskos ku den 2017 ku no tin headliner apropiá disponibel pa e temporada akí.

  • Corendon y KLM ta cera deal di cuart miyon stul pa Corsou

    Corendon y KLM ta cera deal di cuart miyon stul pa Corsou

    BADHOEVEDORP – E organisacion internacional di vacacion Corendon a cera un acuerdo cu KLM diahuebs pa desde e proximo periodo di winter, pa un periodo di 3 aña, usa casi 250.000 stoel pa buelo di y pa Corsou. Cu esaki e ta sigura cu tin suficiente capacidad pa por trece a cantidad di turista cu a aumenta, pa Corsou. Dia 1 di april e aña aki Corendo ta habri e hotel Corendon Mangrove Beach Resort, cu 380 camber cu ta expande pa 850 camber pa 2021. E ta poni pa bira un hotel di 5 strea y ta bira asina e hotel di mas grandi di Corsou. 

  • Mama di hobencita na Corsou accidenta pa mal wega, buscando husticia pa su yiu

    Mama di hobencita na Corsou accidenta pa mal wega, buscando husticia pa su yiu

    WILLEMSTAD - Mama di un hobencita di 9 aña na Corsou ta luchando pa husticia pa loke a tuma lugar cu su yiu muher na comienso di e siman aki den cura di scol. E mama a informa cu no ta su intencion pa cera ningun mucha, pasobra e tambe ta mama y e sa di e dolor ey. Pero e kier pa e scol para responsabel pa loke a pasa cu su yiu. Asina e portal Extra Curacao ta raporta. Segun e mama ta sigui conta, e tabata haciendo un diligencia ora cu el a wordo yama di scol cu su yiu a haya un accident na scol. Debi cu tabatin un blackout e momento ey na scol, luz di traficonan no tabata traha, a pone cu el a tarda un poco pa yega scol. Finalmente el a yega Divi Divi Scol unda cu su yiu ta bay y a haye cu un bolombonchi y drumi riba un mesa. A hiba e yiu docter di cas cu na su turno a busca ambulance pa e yiu bay hospital. Eynan a bin saca afor cu e tin sanger den su cabez sea pa un ader principal of un otro cos. A confirma cu e mucha lo a haya un ‘heftige hersenschudding’. E mucha a pasa nochi na hospital y a compronde cu e por a bay cas. Aparentemente scol su version no ta cuadra pa cual a pone abogado riba e caso aki pa persigui e scol y a bin compronde mientrastanto cu no por haci nada cu e mucha responsabel di 12 aña pasobra segun ley no por persigui un mucha bou di 12 aña. Segun e mama, e scol ta gañando y e kier sa e berdad di e caso. Cortesia Extra Curacao. 

  • Cft: 'Corsou mester tuma medida significativo pa pone su presupuesto na ordo'

    Cft: 'Corsou mester tuma medida significativo pa pone su presupuesto na ordo'

    WILLEMSTAD – A pesar di e pasonan importante cu Corsou a dal pa pone su presupuesto na ordo, aña 2019 lo cera atrobe cu un deficit. Asina e Colegio di supervision financiero di Corsou y Sint Maarten (Cft) ta bisa den nan conferencia di prensa. Nan ta constata cu te aworaki a enfatisa demasiado riba aumento di entrada na luga di riba reduccion di gasto. Sigur den combinacion cu reforma economico, reduccion di gasto por impulsa crecemento economico y mehora balansa di pago. Pa aña 2020 ainda tin un desafio substancial. Asina, por ehempel, e gastonan di operacion di e hospital nobo ta ANG 81 miyon mas halto cu e hospital bieu Sehos, a calcula cierto ingreso fiscal demasiado halto y mester tene cuenta cu e dividendonan presupuesta pa CBCS y RdK lo no drenta. Tambe medida manera e liña cero pa empleado publico ta sufri tardansa. 

  • Powered by SETAR